1 Kɔl 4:14 - BAEBOLO ANZƐƐ BULUKU NWUANZANWUANZA

¹⁴ Mengɛlɛ ɛhye kɛ megua bɛ nyunlu aze; mefa meadu bɛ folɛ kɛ bɛle me mra mɔɔ mekulo bɛ edwɛkɛ a.

1 Kɔl 4:14 ပူးပေါင်းရင်းမြစ်များ

Yizikeɛle Buluku ne 3:21

Noko akee, saa ɛbɔ tenlenenli zɔhane kɔkɔ kɛ ɔmmayɛ ɛtane ne na ɔgyakyi, yeannyia yeanyɛ ɛtane ne a, ɔbanyia ngoane kɛ ɔdiele wɔ kɔkɔbɔlɛ ne a, yɛɛ ɛdawɔ noko wɔlie wɔ ngoane.”

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

1 Kɔl 4:15

Saa Kelaese ati bɛlɛ adanedivolɛma apenle bulu bɔbɔ a, bɛnwu ye kɛ bɛ ze kokye. Ɔlua Edwɛkpa ne mɔɔ menvale membɛlɛle bɛ la ati, merayɛ bɛ ze wɔ Kelaese ati.

1 Kɔl 4:17

Ɛhye ala ati a melɛsoa Temɔte, mɔɔ le me ra mɔɔ mekulo ye, na Awulae ati ɔdi nɔhalɛ la wɔ bɛ nwo lɔ a. Ɔbahakyehakye bɛ ɛbɛla ɛbɔlɛ fofolɛ ndenle ne mɔ mɔɔ Kelaese ati melua nu melɛkilehile asɔne ne mɔ mɔɔ wɔ ɛleka biala la.

1 Kɔl 6:5

Bɛbɔ anyiemgba bɔbɔ! Asoo amgba ala nrɛlɛbɛvolɛ ko bɔbɔ ɛnle bɛ asɔne ne anu, mɔɔ kola siezie mediema avinli,

1 Kɔl 9:15

Noko metɛbizale debie biala metɛfile bɛ lɔ, yɛɛ mengɛlɛ ɛhye kɛ akee bɛyɛ ninyɛne ɛhye mɔ bɛmaa me. Menwɔhulo kɛ menwɔwu kɛdɛla kɛ awie kɛmaa me nloa anu mɔɔ metu kɛ menga Edwɛkpa ne menlie ahatualɛ la kɛyɛ mgbane.

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

2 Kɔl 12:19

Wɔannea a bɛkɛdwenle kɛ yɛbɔ mɔdenle yɛaza yɛ ne wɔ bɛ nyunlu. Ɔnle zɔhane fee! Yɛtendɛ, kɛmɔ Kelaese kulo kɛ yɛtendɛ wɔ Nyamenle anyunlu la. Ayi mɔ, debie biala mɔɔ yɛyɛ la, bɛdabɛ bɛ kpalɛ ti ɔ.

2 Kɔl 7:3

Menga ɛhye membu bɛ fɔlɛ, na kɛmɔ meha ye dɛba la, saa yɛde ngoane nu o, yɛwu o, yɛlɛ bɛ nwo ɛhulolɛ kpalɛ mɔɔ kile kɛ dahuu yɛle ko a.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

1 Tɛs 2:11

Bɛdabɛ bɛnwunle kɛ yɛyɛle bɛ nuhua ko biala kɛ selɛ kɛyɛ ɔ ra la.

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

2 Tɛs 3:14

Saa awie wɔ ɛkɛ ne mɔɔ ɔnrɛli mɔɔ yɛhɛlɛ ye wɔ kɛlata ɛhye anu la azo a, bɛmɛ bɛyɛ ahenle zɔhane nzonlɛ, bɛmmayɛ ye ɛhwee, na ɔdaye ɔ ngome ɔ nyunlu bagua aze.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:10

Mesɛlɛ wɔ meamaa me ra Onɛsemɛse. Ɔlua Kelaese ati, Onɛsemɛse ɛrayɛ me ra wɔ mekɛ mɔɔ mela efiade ye ala la.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

3 Dw 1:4

Debie biala ɛnyɛ me anyelielɛ ɛndɛla kɛ menwɔde kɛ me mra ne mɔ lua nɔhalɛ adenle ne anu a.