1 Kɔl 4:11 - BAEBOLO ANZƐƐ BULUKU NWUANZANWUANZA

¹¹ Ɛnɛ nee ɛnɛ ala ɛhɔne nee nzuhɔne tɛku yɛ; yɛ adɛladeɛ ɛtete yɛ nwo, bɛbila yɛ mbaka, yɛnlɛ awuke, mgbɔsa mgbɔsa a ɛdɔ yɛ nwo a;

1 Kɔl 4:11 ပူးပေါင်းရင်းမြစ်များ

Dwobu Buluku ne 22:6

Ɔluakɛ wɔlie ɛ mediema awoba mgbane gyɛne ne ala, na wɔkpa bɛ nwo ndanlɛ.

Edwɛkpa ne kɛmɔ Mateyu hɛlɛle la 8:20

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame, Sonla Ra, menlɛ ɛleka mɔɔ meto me ti a.”

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 16:23

Mɔɔ bɛbole bɛ bɛwiele la, bɛguale bɛ efiade, na bɛzele mɔɔ nea efiade ne azo la kɛ ɔzɔ bɛ nu boɛ.

Ɛzoanvolɛma Gyima ne 23:2

Sɛlɛvolɛ Kpanyinli Ananayase dele ɛhye la ɔhanle kɛ bɛbɔ ɔ nloa ne azo.

Wulo 8:35

Nwane a kɛhola kɛhwe yɛ kɛvi Kelaese ɛhulolɛ ne anwo a? Amaneɛnwunlɛ anzɛɛ anwongyelelɛ, kpɔdekpɔdeyɛlɛ anzɛɛ ɛhɔne, ehyia, anwubɛnyunlu anzɛɛ ewule?

1 Kɔl 9:4

Yɛnlɛ adenle kɛ yɛdi na yɛno ɔ?

2 Kɔl 11:20

Bɛ nye die awie biala mɔɔ yɛ bɛ kɛ ahanra, awie mɔɔ sisi bɛ, awie mɔɔ tu ɔ nloa anu na ɔkpakyekpakye bɛ nye zo la anwo.

2 Kɔl 4:8

Ndenle dɔɔnwo anu bɛgyegye yɛ, na bɛngola bɛnzɛkye yɛ; bɛmaa yɛ adwenle nu yɛ kpomgbondee, noko yɛ agbɔkɛ nu ɛntuto;

Pɔɔlo Kɛlata mɔɔ ɔhɛlɛle ɔhɔmanle Felepaema la 4:12

Meze ehyia di, meze ezukoa di. Mezukoa ɛhye mɔ ɛyɛlɛ, amaa ɛleka biala nee mekɛ biala anu, saa menyia ye medi o, meannyia ye meanli o, saa melɛ bie o, menlɛ bie o, me kunlu adwo me nwo.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.