1 Kɔl 3:9 - BAEBOLO ANZƐƐ BULUKU NWUANZANWUANZA

⁹ Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

1 Kɔl 3:9 ပူးပေါင်းရင်းမြစ်များ

Edwɛndolɛ Buluku ne 118:22

Bolɛ ne mɔɔ suasivoma ne kpole la ɛyɛ mgbɛnezo bolɛ mɔɔ anwo hyia a.

Edwɛndolɛ Buluku ne 72:16

Maa aleɛ ɛbu azɛlɛ ne azo; maa abɛlɛ ɛzi agole wɔ awoka ne mɔ azo, na bɛvievia mralɛ kɛ Lɛbanɔn ɛdeɛ ne la. Maa menli ɛyi azuamgbole ne mɔ azo gbudugbudu, na bɛ nwo ɛzo kɛ ɛbɔ nu ndile.

Mrɛlɛbulɛ Buluku ne 9:1

Nrɛlɛbɛ ɛzi ye sua na yedwazo mpila nsuu yesosɔ ye.

Ayezaya Buluku ne 32:20

Nyilalɛ ɛha bɛdabɛ mɔɔ bɛdua bɛ ma wɔ azule nloa na bɛmaa bɛ nlankɛ nee bɛ asoaso didi ɛkɛ ne la.

Ayezaya Buluku ne 61:11

Ɔluakɛ kɛ azɛlɛ ye azo si fifi ndile, Na tola nu ninyɛne si fifi la, Zɔhane ala yɛɛ Awulae Nyamenle Bamaa tenleneyɛlɛ nee ayɛlɛyelɛ afifi Maanle maanle ne mɔ amuala anu a.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Ayezaya Buluku ne 61:5

Nyɛvolɛ bagyinla ayɛne bɛ nyɛmoa, Nyɛvolɛ bazo bɛ ɛya ade bɛ vanye egyinli nu ma,

Gyɛlɛmaya Buluku ne 2:21

Noko memkpale nu menyele bɛ kɛ vanye ma mɔɔ anwo le kɔlɔnwo na menluale bɛ. Na kɛ ɔyɛ mɔɔ akee bɛwie ye zɛhae, na bɛyɛ vanye nyinli ɛ?

Edwɛkpa ne kɛmɔ Mateyu hɛlɛle la 15:13

Gyisɛse buale kɛ, “Baka biala mɔɔ tɛ Egya mɔɔ wɔ anwuma la a luale la bɛbadu ye bɛado aze.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Edwɛkpa ne kɛmɔ Mateyu hɛlɛle la 9:37

Na ɔzele ye ɛdoavolɛma ne kɛ, “Nɔhalɛ, Nyamenle bɛyɔba ne ɛbolo kpole, na menli mɔɔ bu la le ekyi.

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Ɛzoanvolɛma Gyima ne 4:11

Gyisɛse a le mɔɔ Nyamenle Edwɛkɛ ne ka ye ɔ nwo kɛ, ‘Bolɛ ne mɔɔ bɛmɛ suasivoma bɛkpole la ɛrayɛ bolɛ mɔɔ anwo hyia kpole kpalɛ kɛ sua mgbɛnezo sika la.’

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 3:6

Menluale ma ne yɛɛ Apɔlɔso guguale zolɛ nzule, na Nyamenle a manle ɔnyinle a.

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.

3 Dw 1:8

Ɛhye ati, ɔwɔ kɛ yɛmɛ mɔɔ yɛle Kelaese ɛdoavolɛma la yɛboa menli ɛhye mɔ, amaa yɛ nee bɛ ali nɔhalɛ ne anwo gyima ne mɔɔ bɛlɛdi la.