1 Kɔl 3:7 - BAEBOLO ANZƐƐ BULUKU NWUANZANWUANZA

⁷ Mɔɔ dua nee mɔɔ gugua zolɛ nzule la anwo ɛngyia dɔɔnwo. Nyamenle a anwo hyia a, ɔluakɛ yemɔ a ɔmaa baka ne nyi a.

1 Kɔl 3:7 ပူးပေါင်းရင်းမြစ်များ

Edwɛndolɛ Buluku ne 115:1

Tɛ yɛmɛ, O Ɛdɛnkɛma, tɛ yɛmɛ, na wɔmɔ yɛɛ ɔwɔ kɛ anyunlunyia ka wɔ, wɔ wɔ ɛhulolɛ kpundii ne nee wɔ nɔhalɛlilɛ ne ati a.

Edwɛndolɛ Buluku ne 90:17

Maa yɛ Awulae yɛ Nyamenle ne anwunvɔnezelɛ ne ɛrɛla yɛ nwo zo, na maa yɛ sa anloa gyima ɛyɛ kpalɛ ɛmaa yɛ, ɛhɛe, maa yɛ sa anloa gyima ɛyɛ kpalɛ.

Ayezaya Buluku ne 40:17

Maanle maanle kɔsɔɔti ɛnle ɛhwee wɔ ɔ nyunlu, ɔbu bɛ kɛ bɛndo ɛhwee.

Ayezaya Buluku ne 41:29

Bɛnlea, bɛ muala bɛle mgbane, bɛ gyima ne mɔ ɛnle ɛhwee; bɛ ananze ne mɔ mɔɔ bɛgua la le kɛ anwoma.”

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 3:6

Menluale ma ne yɛɛ Apɔlɔso guguale zolɛ nzule, na Nyamenle a manle ɔnyinle a.

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 12:9

Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:3

Saa awie bu ɔ nwo noko ɔndo ɛhwee a, ɛnee ɔlɛbɛlɛbɛla ɔ nwo.