1 Kɔl 3:6 - BAEBOLO ANZƐƐ BULUKU NWUANZANWUANZA

⁶ Menluale ma ne yɛɛ Apɔlɔso guguale zolɛ nzule, na Nyamenle a manle ɔnyinle a.

1 Kɔl 3:6 ပူးပေါင်းရင်းမြစ်များ

Edwɛndolɛ Buluku ne 127:1

Saa Ɛdɛnkɛma ɔdaye yeanzi sua ne a, bɛdabɛ mɔɔ bɛsi la fɛ mgbane. Saa Ɛdɛnkɛma ɔdaye yeanzinza suakpole ne a, sinzavolɛma solo nafelɛ mgbane.

Edwɛndolɛ Buluku ne 62:11

Nyamenle ɛdendɛ ko; mede ɛhye fane nwiɔ; kɛ tumi le Nyamenle ɛdeɛ.

Edwɛndolɛ Buluku ne 62:9

Awienvolɛma le kɛ anwoma, mgbolema le kɛ ɛlalɛ; ɛgua bɛ tone zo a bɛndo ɛhwee; bɛ kɔsɔɔti bɛ ɛnlomboɛ ɛndo anwoma.

Mrɛlɛbulɛ Buluku ne 11:25

Sonla mɔɔ buke ye ahonle nu fa maa la banyia ɔ nwo, yɛɛ mɔɔ yɛ ahunlunyele la, bɛnwu ye anwunvɔne.

Ayezaya Buluku ne 61:11

Ɔluakɛ kɛ azɛlɛ ye azo si fifi ndile, Na tola nu ninyɛne si fifi la, Zɔhane ala yɛɛ Awulae Nyamenle Bamaa tenleneyɛlɛ nee ayɛlɛyelɛ afifi Maanle maanle ne mɔ amuala anu a.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 16:14

Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 18:24

Dwuunli bie mɔɔ bɛfɛlɛ ye Apɔlɔso, mɔɔ bɛwole ye Alɛzandelea, na ɔ nloa ɛde, eza ɔze Nyamenle Edwɛkɛ ne kpalɛ la rale Ɛfɛsɛse.

Ɛzoanvolɛma Gyima ne 19:1

Mɔɔ Apɔlɔso wɔ Kɔlente la, Pɔɔlo hɔle maanzinli ne anu akpɔsa toonwo ɔravindele Ɛfɛsɛse, na ɔranwunle ɛdoavolɛma bie wɔ ɛkɛ.

Ɛzoanvolɛma Gyima ne 21:19

Pɔɔlo bizale ahye na ɔhanle gyima mɔɔ Nyamenle ɛlua ɔ nwo zo ɛli wɔ bɛdabɛ mɔɔ bɛnle Dwuuma la avinli la amuala ɔhilele bɛ.

Wulo 15:18

Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu,

1 Kɔl 1:12

Mɔɔ mekpondɛ meaha la a le kɛ asolo bɛ nuhua ko biala nee ye edwɛkɛ. Mɔɔ ko se “Mewɔ Pɔɔlo afoa la”, ɛnee bie se, “Mewɔ Apɔlɔso afoa.” Bie se, “Mewɔ Pita afoa,” ɛnee bie noko se, “Mewɔ Kelaese afoa.”

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 3:22

Pɔɔlo o, Apɔlɔso o, Sifase o, ewiade ye o, ngoane o, ewule o, ɛnɛ mekɛ ye o, kenlebie o, ɔ muala le bɛ ɛdeɛ,

1 Kɔl 3:7

Mɔɔ dua nee mɔɔ gugua zolɛ nzule la anwo ɛngyia dɔɔnwo. Nyamenle a anwo hyia a, ɔluakɛ yemɔ a ɔmaa baka ne nyi a.

1 Kɔl 9:1

Menle dehelɛ ɔ? Menle ɛzoanvolɛ ɔ? Metɛnwunle yɛ Awulae Gyisɛse ɔ? Na tɛ bɛmɛ a Awulae ati bɛle me sa anloa gyima a?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.