1 Kɔl 3:23 - BAEBOLO ANZƐƐ BULUKU NWUANZANWUANZA

²³ yɛɛ bɛle Kelaese ɛdeɛ, yɛɛ Kelaese le Nyamenle ɛdeɛ.

1 Kɔl 3:23 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Dw 17:18

Mezoa bɛ wɔ ewiade ye anu, kɛmɔ ɛzoanle me wɔ ewiade ye anu la;

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Wulo 14:8

Saa yɛde aze a, yɛde yɛmaa Awulae, yɛɛ saa yɛwu a, yɛwu yɛmaa Awulae. Yemɔti saa yɛde aze o, yɛwu o, yɛle Awulae ɛdeɛ.

1 Kɔl 11:3

Noko mekpondɛ kɛ bɛte ɔ bo kɛ nrenya biala amenle a le Kelaese, raalɛ biala amenle a le ɔ hu, yɛɛ Kelaese amenle a le Nyamenle.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

1 Kɔl 15:28

Saa bɛfa ninyɛne kɔsɔɔti bɛwula Kelaese belemgbunlililɛ ne abo a, akee ɔdaye Ralɛ mumua ne, ɔbava ɔ nwo yeawula Nyamenle mɔɔ vale ninyɛne kɔsɔɔti wulale ɔ bo la abo, amaa Nyamenle ali ninyɛne kɔsɔɔti azo belemgbunli.

1 Kɔl 7:22

Ɔluakɛ akɛlɛ mɔɔ Awulae ɛvɛlɛ ye la ɛyɛ dehelɛ wɔ Awulae anu; zɔhane ala yɛɛ mɔɔ le dehelɛ na bɛvɛlɛ ye la, le akɛlɛ maa Kelaese a.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

2 Kɔl 10:7

Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:29

Saa bɛle Kelaese ɛdeɛ a, ɛnee bɛle Ebileham nlɔnra mɔɔ asa baha Nyamenle ahyɛlɛdeɛ ne mɔɔ ɔvale ɔbɔle ɛwɔkɛ ne la a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.