1 Kɔl 3:17 - BAEBOLO ANZƐƐ BULUKU NWUANZANWUANZA

¹⁷ Saa awie sɛkye Nyamenle Ɛzonlenlɛ Sua ne a, Nyamenle bazɛkye ɔdaye noko, ɔluakɛ Nyamenle Ɛzonlenlɛ Sua ne anwo te, na sua zɔhane, yemɔ a le ɛdawɔ.

1 Kɔl 3:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:17

Ɛzulolɛ kpole hanle ye na ɔhanle kɛ, “Ɛke yɛ ɛzulolɛ kpole kpalɛ! Ɛke a le Nyamenle sua nu a, na anuhɔlɛ mɔɔ bɛfa nu bɛkɔ anwuma maanle nu la a le ɛke.”

1 Edk 29:3

Ɛye ɛhye mɔ ɛsie ahane a, medame meva me ti anwo dwɛtɛ fufule nee ezukoa nvutuke mevi me gya nu meboa, ɔboalekɛ mekulo kɛ bɛsi Nyamenle Ɛzonlenlɛ Sua ne.

Edwɛndolɛ Buluku ne 74:3

Kpɔsa ninyɛne ne mɔɔ ɛzɛkye bɔkɔɔ la avinli; yɛ kpɔvolɛma ɛzɛkye Ɛzonlenlɛ Sua ne anu debie biala.

Edwɛndolɛ Buluku ne 79:1

O Nyamenle, menli mɔɔ ɛnzonle wɔ la ɛrawolo wɔ agyadeɛ ye anu, bɛgua wɔ Ɛzonlenlɛ Sua nwuanzanwuanza ne anwo evinli; bɛbɔ Gyɛlusalɛm bɔkɔbɔkɔ.

Edwɛndolɛ Buluku ne 93:5

Wɔ mɛla ne mɔ di munli; nwuanzanwuanzayɛlɛ fɛta wɔ sua nu, O Ɛdɛnkɛma, wɔ mekɛ mɔɔ ɛnlɛ awieleɛ.

Edwɛndolɛ Buluku ne 99:9

Bɛhanvo Ɛdɛnkɛma yɛ Nyamenle ne, bɛzonle ye wɔ ye boka nwuanzanwuanza ne azo; ɔluakɛ Ɛdɛnkɛma yɛ Nyamenle ne le nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:5

Na Nyamenle zele kɛ, “Mmabikye me; yeye mgbɔlaboa ne mɔɔ ɛwula la, ɔluakɛ azɛlɛ ne mɔɔ ɛgyi zolɛ la le nwuanzanwuanza.”

Ayezaya Buluku ne 64:11

Bɛdo senle yɛ sua kɛnlɛma nwuanzanwuanza ne mɔɔ nuhua a yɛ nlenya mɔ yele wɔ ayɛlɛ la anu bɛyela ye, yɛɛ yɛ azua ngɛnlɛma ne mɔ kɔsɔɔti ɛbubu ɛyɛ ewula.

Yizikeɛle Buluku ne 43:12

Ɛzonlenlɛ Sua ne anwo mɛla ɛ: Ɔwɔ kɛ boka ne azo ɛleka biala te saanwu, yɛ nwuanzanwuanza.”

Yizikeɛle Buluku ne 5:11

“Zɔhane ati medame tease Awulae Nyamenle, mese, suzuamgba ala mɔɔ bɛva bɛ ninyɛmunli nee bɛ bɛkyi ninyɛne ne mɔ bɛgua me ɛleka nwuanzanwuanza ne evinli la, mebabɔ bɛ bo zo. Menrɛvavi bie yɛɛ menrɛze anwunvɔne.

Yizikeɛle Buluku ne 7:22

Mebado me nye ɛbɔ nu meamaa bɛagua me ɛleka nwuanzanwuanza ne anwo evinli. Nwule bahɔva ɛkɛ ne, bɛagua ɛkɛ ne evinli na bɛayɛ ɛkɛ ne suadu.

Sɛlɛ 15:31

“ ‘Zɛhae yɛɛ ɛbayɛ wɔava wɔade Yizilayɛma anwo wɔ evinli mɔɔ kɛha bɛ la anwo a, amaa bɛanva evinli bɛanga me Ndanlɛ Sua ne mɔɔ gyi bɛ avinli la na bɛawu.’ ”

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Zɛfanaya Buluku ne 3:4

Bɛ Nyamenle kpɔmanvolɛma le menli mgbane; bɛnli nɔhalɛ. Bɛ sɛlɛvolɛma fa evinli ka ɛleka nwuanzanwuanza ne, na bɛtietia mɛla ne azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:20

“Awie biala mɔɔ evinli ɛha ye, na ɔtɛnuanle ɔ nwo la tɛbɔ evinli nu. Bɛnva ye kɛ ɔle Nyamenle menli ne mɔ ko, ɔluakɛ yegua Ɛdɛnkɛma Ndanlɛ Sua ne anwo evinli.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 3:18

Awie biala mmabɛlɛbɛla ɔ nwo. Saa bɛ nuhua bie dwenle kɛ ɔle ewiade ɛhye anu nrɛlɛbɛvolɛ a, ɛnee ɔyɛ ɔ nwo kɔnwɔne na yeanwu nrɛlɛbɛ kpalɛ.