1 Kɔl 3:12 - BAEBOLO ANZƐƐ BULUKU NWUANZANWUANZA

¹² Bie mɔ bava ezukoa nvutuke anzɛɛ dwɛtɛ fufule anzɛɛ ezukoa awolɛ mɔɔ sonle bolɛ la azɔ sua ne azo; bie mɔ noko bava ndaboa anzɛɛ ɛhonle anzɛɛ manra.

1 Kɔl 3:12 ပူးပေါင်းရင်းမြစ်များ

Edwɛndolɛ Buluku ne 119:72

Wɔ mɛla ne mɔ le kpalɛ maa me tɛla ezukoa nvutuke nee dwɛtɛ fufule apenle apenle.

Edwɛndolɛ Buluku ne 19:10

Bɛ ɛkpondɛlɛ hyia tɛla ezukoa nvutuke, ɔtɛla ezukoa nvutuke tagyee bɔbɔ. Ɔyɛ fɛ ɔtɛla wolɛ, ɔpepe ɔtɛla wolɛ mɔɔ ɛwie da la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:12

Yemɔti menli ne kpondenle Yigyibiti azɛlɛ zo luoluale nuhua kpondɛle atoko gyakɛ.

Mrɛlɛbulɛ Buluku ne 16:16

Ɛze nrɛlɛbɛ a ɔle kpalɛ ɔtɛla kɛ ɛlɛ ezukoa nvutuke, yɛɛ ɛlɛ ndelebɛbo a ɔle kpalɛ ɔtɛla dwɛtɛ fufule.

Mrɛlɛbulɛ Buluku ne 30:6

Mmafa edwɛkɛ ɛboka ye edwɛkɛ nwo, anrɛɛ ɔkɛdea wɔ ɔkɛmaa bɛkɛnwu kɛ ɛle adalɛ.”

Mrɛlɛbulɛ Buluku ne 8:10

Fa me ngilehilelɛ ne na gyakyi dwɛtɛ fufule, fa adwenlenubukelɛ na gyakyi ezukoa nvutuke tagyee.

Ayezaya Buluku ne 60:17

“Kɛ menwɔva kɔbele la, mebava ezukoa nvutuke, Kɛ menwɔva bulalɛ la, mebava dwɛtɛ fufule, Kɛ menwɔva mbaka la, mebava kɔbele, Yɛɛ kɛ menwɔva awolɛ la, mebava mbulalɛ mearɛlɛ bɛ. Mebamaa bɛ mgbanyinli mɔɔ nea bɛ nwo zo la anzonudwolɛ, Na bɛ gyima zo neavolɛma ayɛ tenlenema.

Gyɛlɛmaya Buluku ne 23:28

Nyamenle kpɔmanvolɛma mɔɔ ka ɛlalɛ la ɛha bɛ ɛlalɛ ne, na Nyamenle kpɔmanvolɛ mɔɔ ka me nrɛlaleɛ ne la ɛha me nrɛlaleɛ ne nɔhalɛ nu.” Ɛdɛnkɛma ɛlɛbiza kɛ, “Ɛhonle fa ye nienwu a nee awule sɛ a?”

Ɛzoanvolɛma Gyima ne 20:30

Mekɛ bara mɔɔ menli vi bɛ avinli badwazo araha edwɛkɛ adalɛ ahwe diedima ne bie mɔ ahɔli bɛ nzi a.

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

1 Kɔl 3:11

Sua bo ɛwulalɛ fofolɛ bieko ɛnle ɛkɛ, ɔluakɛ Nyamenle ɛva Gyisɛse Kelaese ɛyɛ sua ne adiabo ɛwie.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

2 Tem 2:20

Wɔ awuke kpole biala anu, nyɛba nee dwora ngakyile dɔɔnwo wɔ ɛkɛ: bie mɔ wɔ nu mɔɔ bɛvale ezukoa nvutuke anzɛɛ dwɛtɛ fufule a bɛyɛle a, yɛɛ bie mɔ noko bɛvale baka anzɛɛ ɛva a bɛyɛle a; bie mɔ anwo hyia kpalɛ yɛɛ bie mɔ noko anwo ɛngyia biala.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

2 Tem 3:7

Mraalɛ zɛhae mɔ dahuu bɔ mɔdenle kɛ bɛkɛzukoa noko bɛngola bɛnnwu nɔhalɛ ne ɛlɛ.

2 Tem 4:3

Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

Yekile 21:18

Bɛvale “gyasepa” a bɛdole suakpole ne bane ne a, yɛɛ bɛvale ezukoa nvutuke kpalɛ mɔɔ anye le kɛ neanleɛ la a bɛkyekyele sua bɔdenle mumua ne a.

Yekile 3:18

Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.