1 Kɔl 3:10 - BAEBOLO ANZƐƐ BULUKU NWUANZANWUANZA

¹⁰ Menvale ahyɛlɛdeɛ ne mɔɔ Nyamenle ɛva ɛlo me la mendole sua ne abo kɛ suasivolɛ kpalɛ, yɛɛ awie ɛlɛto zolɛ a. Na ɔwɔ kɛ awie biala nea kɛ ɔsi ɔto zolɛ la boɛ.

1 Kɔl 3:10 ပူးပေါင်းရင်းမြစ်များ

2 Edk 2:12

Ayɛlɛyelɛ ɛha Yizilayɛ Ɛdɛnkɛma Nyamenle ne mɔɔ bɔle anwuma nee aze, mɔɔ ɛmaa Belemgbunli Devidi ɛwo ralɛ nrenya mɔɔ ze nrɛlɛbɛ, mɔɔ lɛ adwenle nee ndelebɛbo, mɔɔ bazi Ɛzonlenlɛ Sua amaa Ɛdɛnkɛma na yeabu ye belemgbunli awuke a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 36:4

Yemɔti dwinvolɛma mɔɔ ɛnee ɛlɛyɛ gyima ne la hɔle ekpunli ngoko

Mrɛlɛbulɛ Buluku ne 12:8

Sonla adwenle kpalɛ yɛɛ bɛfa bɛkanvo ye a, na sonla mɔɔ ye adwenle ɛnle kpalɛ la, bɛkpo ye.

Mrɛlɛbulɛ Buluku ne 9:1

Nrɛlɛbɛ ɛzi ye sua na yedwazo mpila nsuu yesosɔ ye.

Nolo 12:9

Ɛye kɛ Nolobɔvo ne si ze nrɛlɛbɛ la ɛsie ahane a, eza ɔhilehilele menli ne adwenle nu ɛbukelɛ, debie ɛzuzulɛ nee debie ɛzukoalɛ na ɔdɔle alagye kpalɛ ɔzieziele mrɛlɛ mɔɔ ɔbule la.

Daneɛle Buluku ne 12:3

Nrɛlɛbɛvolɛma mɔɔ wɔ nu la bada kɛ sɛnzɛne, yɛɛ bɛdabɛ mɔɔ bɛhilehile menli kpalɛyɛlɛ adenle la bada kɛ nwɔlɔra la wɔ mekɛ mɔɔ ɛnlɛ awieleɛ.

Zɛkalaya Buluku ne 4:9

ɔse, “Zɛlubabɛle ɛwula sua ɛhye adiabo ne aze; ɔbazi yeawie. Na ɛkɛ ne yɛɛ bɛbanwu kɛ Tumivolɛ Ɛdɛnkɛma a ɛzoa wɔ bɛ nwo ɛke a.

Edwɛkpa ne kɛmɔ Mateyu hɛlɛle la 24:45

“Ɛnee akee, sonvolɛ nɔhavo mɔɔ ze nrɛlɛbɛ la a le boni? Yemɔ a le sonvolɛ ne mɔɔ ɔ menle ɛva ye kɛ ɔnlea sonvolɛma mɔɔ ɛha la anwo zo na ɔmaa bɛ aleɛ wɔ mekɛ ne anloa, na ɔ menle ne bato ye kɛ ɔlɛyɛ ye zɔhane la. Ɛhye le nyilalɛ kpole maa sonvolɛ ne.

Edwɛkpa ne kɛmɔ Mateyu hɛlɛle la 7:24

“Zɔhane ati awie biala mɔɔ tie me edwɛkɛ ne na ɔdi zolɛ la le kɛ nrɛlɛbɛvolɛ bie mɔɔ zile ye sua wɔ bodane zo la.

Edwɛkpa ne kɛmɔ Luku hɛlɛle la 11:35

Zɔhane ati bɛnlea boɛ na mɔɔ maa wienyi wɔ bɛ nu la annu, na awozinli anva bɛ.

Edwɛkpa ne kɛmɔ Luku hɛlɛle la 21:8

Gyisɛse zele kɛ, “Bɛnlea boɛ; bɛmmamaa bɛbɛlɛbɛla bɛ. Ɔluakɛ menli dɔɔnwo balua me duma nu ara na bɛaraze bɛ kɛ, ‘Mame a mele Kelaese ne a,’ na eza bɛaha kɛ, ‘Mekɛ ne ɛbikye.’ Na bɛmmatoa bɛ.

Ɛzoanvolɛma Gyima ne 18:27

Apɔlɔso yɛle ye adwenle kɛ ɔkaluolua Akaya (Giliki maanle nu) yeaha Nyamenle edwɛkɛ ne, zɔhane ati mediema ne mɔ boale ye na bɛhɛlɛle kɛlata bɛmanle ɔhɔmanle mediema mɔɔ wɔ nehane la, kɛ bɛlie ye kɛnlɛma gyɛlɛɛnye. Ɔhɔdwule la ɔyɛle moalɛ kpole ɔmanle bɛdabɛ mɔɔ bɛlua Nyamenle ɛlolɛ zo bɛrayɛ diedima la.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Wulo 15:15

Noko wɔ kɛlata ɛhye anu, mezi me kɛnra meha ninyɛne bie anwo edwɛkɛ mehakye bɛ adwenle wɔ nwolɛ. Menyɛle ye zɔhane, ɔlua gyinlabelɛ mɔɔ Nyamenle ɛva me ɛzie la ati,

Wulo 15:20

Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo.

1 Kɔl 3:11

Sua bo ɛwulalɛ fofolɛ bieko ɛnle ɛkɛ, ɔluakɛ Nyamenle ɛva Gyisɛse Kelaese ɛyɛ sua ne adiabo ɛwie.

1 Kɔl 9:2

Saa bɔbɔ awie mɔ ɛnlie me ɛndo nu kɛ mele ɛzoanvolɛ a ɛnee tɛ bɛmɛ ɔ! Bɛdabɛ mumua ne bɛ ɛbɛlabɔlɛ mɔɔ Awulae ati bɛbɔ la kile kɛ mele ɛzoanvolɛ.

2 Kɔl 10:15

Yɛnva awie mɔ gyima mɔɔ bɛyɛ wɔ ɛleka mɔɔ Nyamenle anva ammaa yɛ la yɛndu yɛ nwo. Yɛ nye la kɛ saa bɛ diedi nyi a yɛɛ yɛ gyimayɛlɛ ne badɛlɛ kpole kpalɛ wɔ bɛ avinli a,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

Kɔlɔ 4:17

Na bɛha bɛhile Aakepɛse kɛ ɔnlea ɔmaa Awulae gyima ne mɔɔ yezɔ nu la ɛli munli.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tem 4:16

Nea ɛ nwo boɛ na nea wɔ ngilehilelɛ ne boɛ. Kɔ zolɛ yɛ ɛhye mɔ, ɔluakɛ saa ɛyɛ ye zɔhane a, ɛkɛlie ɛ nwo nee bɛdabɛ mɔɔ bɛtie wɔ la ngoane.

2 Tem 2:15

Bɔ mɔdenle ɛsesebɛ kɛ ɛkɛzɔ Nyamenle anye, kɛ gyimayɛvolɛ mɔɔ ɛnze ye gyima nwo nyiane na ɔkilehile Nyamenle nɔhalɛ edwɛkɛ ne kpalɛ la.

Gyemise Kɛlata ne 3:1

Me mediema! Ɔnle kɛ bɛ nuhua dɔɔnwo yɛ kilehilevolɛma, ɔboalekɛ bɛze kɛ yɛmɛ kilehilevolɛma bɛbabua yɛ ndɛne fenlefenle bɛadɛla menli mɔɔ ɛha la.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

2 Pit 3:15

Bɛde ɔ bo kɛ yɛ Awulae abotane ne le ngoanelielɛ maa bɛ, kɛmɔ adiema Pɔɔlo ɛlua nrɛlɛbɛ mɔɔ Nyamenle ɛva ɛmaa ye la azo ɛhɛlɛ ɛrɛlɛ bɛ la.

Yekile 21:14

Suakpole ne bane ne, bɛhyele ye wɔ adiabo awolɛ bulu nee nwiɔ mɔɔ bɛhɛlɛ Boaneralɛ ne ɛzoanvolɛma bulu nee nwiɔ ne aluma wɔ nwolɛ la azo.

Yekile 21:19

Suakpole ne adiabo ne, bɛvale ezukoa awolɛ ngɛnlɛma mɔɔ sonle bolɛ la a bɛwulale a. Mɔɔ lumua la a le “gyasepa”, mɔɔ tɔ zolɛ nwiɔ la le sanyia bolɛ, bɛfɛlɛ ye “safaya”, mɔɔ tɔ zolɛ nsa la le ezukoa nvutuke bolɛ, bɛfɛlɛ ye “agɛte”, mɔɔ tɔ zolɛ nna la le bolɛ ɛsesebɛ anye asuomenle, bɛfɛlɛ ye “ɛmelade”,