1 Kɔl 2:9 - BAEBOLO ANZƐƐ BULUKU NWUANZANWUANZA

⁹ Nyamenle Edwɛkɛ ne se, “Debie mɔɔ sonla ɛtɛnwunle ye anzɛɛ ɛtɛtele ɛlɛ, debie mɔɔ sonla andwenle kɛ ɔkɛzi ɛlɛ la, yemɔ a le deɛ ne mɔɔ Nyamenle ɛziezie ɛdo ɛkɛ ne ɛmaa bɛdabɛ mɔɔ bɛkulo ye la a.”

1 Kɔl 2:9 ပူးပေါင်းရင်းမြစ်များ

Edwɛndolɛ Buluku ne 31:19

O, wɔ kpalɛyɛlɛ ne zonle, wɔva wɔzie wɔmaa bɛdabɛ mɔɔ bɛsonle wɔ la. Ɛkile ye wɔ bɛdabɛ mɔɔ bɛbafea wɔ nu la anwo zo, wɔ menli kɔsɔɔti anye zo.

Ayezaya Buluku ne 64:4

Ɔvi mɔmoane, awie ɛtɛtele anzɛɛ ɛtɛtele ye ɔ nzo nu, yɛɛ ɛnyelɛ biala ɛtɛnwunle Nyamenle biala kɛ wɔmɔ ala mɔɔ ɛdie menli mɔɔ sonle wɔ la ati la.

Ayezaya Buluku ne 65:17

Ɛdɛnkɛma se, “Bɛnlea, mebɔ anwuma fofolɛ nee azɛlɛ fofolɛ; ninyɛne dɛba ne mɔ abo zo baminli mɔɔ awie ɛnrɛhakye bɛ bieko a.

Edwɛkpa ne kɛmɔ Mateyu hɛlɛle la 20:23

Gyisɛse zele bɛ kɛ, “Nɔhalɛ, bɛkɛhola bɛkɛnlo amaneɛnwunlɛ dwora ne mɔɔ mebanlo nu la anu, noko tɛ me a meye sonla mɔɔ badɛnla me fema zo anzɛɛ me bɛne zo la a, ɔluakɛ ɛleka zɔhane mɔ le menli mɔɔ Egya ɛziezie ɛmaa bɛ la ɛdeɛ.”

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Dw 4:19

Yɛkulo Nyamenle, ɔboalekɛ ɔlumuale ɔhulole yɛ.