1 Kɔl 2:13 - BAEBOLO ANZƐƐ BULUKU NWUANZANWUANZA

¹³ Zɔhane ati, mɔɔ yɛka la ɛnle edwɛkɛ mɔɔ sonla nrɛlɛbɛ a kilehile yɛ a. Nyamenle Sunsum ne kilehile yɛ wɔ mekɛ mɔɔ yɛkɛha kɛ yɛkilehile sunsum nu nɔhalɛ ne yɛahile bɛdabɛ mɔɔ Nyamenle Sunsum ne wɔ bɛ nu la.

1 Kɔl 2:13 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 12:12

Ɔluakɛ mekɛ ne anu, Sunsum Nwuanzanwuanza ne bahilehile bɛ mɔɔ ɔwɔ kɛ bɛka la.”

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

1 Kɔl 1:17

Kelaese anzoa me kɛ membanzɔne menli. Ɔzoanle me kɛ memambɔ Edwɛkpa ne nolo, na memmafa sonla nrɛlɛbɛ meka, anrɛɛ tumi ne mɔɔ wɔ Kelaese meanubaka ne anwo edwɛkɛ ne anu la kɛyɛ mgbane.

1 Kɔl 14:2

Awie mɔɔ ka aneɛ ngakyile la ɛndendɛ ɛngile menli; ɔtendɛ ɔkile Nyamenle, ɔluakɛ awie biala ɛnde mɔɔ ɔka la abo. Mɔɔ ɔyɛ la a le kɛ ɔdua Nyamenle Sunsum ne tumi zo ɔka fealeranu ninyɛne ne mɔ anwo edwɛkɛ.

1 Kɔl 2:1

Me mediema, mekɛ mɔɔ membale bɛ nwo lɔ kɛ mebabɔ Nyamenle nɔhalɛ edwɛkɛ ne mɔɔ vea la nolo meahile bɛ la, meanga ye kɛ mele sonla mɔɔ me nloa ɛde na meze nrɛlɛbɛ kpole la.

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,

1 Kɔl 9:11

Yɛlua sunsum nu ma wɔ bɛ nu, na saa yɛnyia nvasoɛ wɔ ninyɛne nu yɛfi bɛ ɛkɛ ne a, ɛnee ɔnle ɛtane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:19

Bɛva ayɛlɛyelɛ edwɛne, anyelielɛ edwɛne nee sunsum nu edwɛne bɛli bɛ nwo adwelie; na bɛdo ayɛlɛyelɛ edwɛne wɔ bɛ ahonle nu bɛmaa Awulae.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

2 Pit 1:16

Yɛangyinla ngehanleɛ zo anzɛɛ sonla adwenle nzuzulɛ zo a yɛkpale yɛ Awulae Gyisɛse Kelaese tumi ne nee ye ɛralɛ bieko nwo edwɛkɛ ne anwo ɛdanlɛ yɛhilele bɛ a. Yɛdayɛ yɛnwunle ye anyunlunyia kpole ne yɛ nye zo yɛɛ yɛdi nwolɛ daselɛ.