1 Kɔl 16:19 - BAEBOLO ANZƐƐ BULUKU NWUANZANWUANZA

¹⁹ Asɔnema mɔɔ wɔ Ehyea maanle ye anu la biza bɛ ahye. Mediema Akoyela nee Pelesela, nee asɔnema mɔɔ yia bɛ sua nu ɛkɛ ne la lɛ Awulae duma ne biza bɛ ahye kpalɛ kpalɛ.

1 Kɔl 16:19 ပူးပေါင်းရင်းမြစ်များ

Ɛzoanvolɛma Gyima ne 16:6

Bɛhɔle Felegyea nee Galeehyea maanzinli ne mɔ anu, ɔluakɛ Sunsum Nwuanzanwuanza ne ammaa adenle ammaa bɛanga Edwɛkpa ne wɔ Ehyea maanzinli ne anu.

Ɛzoanvolɛma Gyima ne 18:18

Pɔɔlo lile mekɛ ekyi wɔ diedima ne mɔ anwo ɛkɛ ne la, nzinlii ɔ nee Pelesela nee Akoyela bɛvile ɛkɛ bɛvale azule nye kɛ bɛkɔ Selea. Bɛdwule Sɛnkilia la Pɔɔlo bɔle ɛwɔkɛ manle Nyamenle, yemɔti ɔmanle bɛkpale ɔ ti.

Ɛzoanvolɛma Gyima ne 18:2

Ɔhɔdole Dwuunli bie mɔɔ bɛfɛlɛ ye Akoyela na bɛwole ye wɔ Pɔntɛse maanzinli nu la kɛ bɔ zo mɔɔ ɔ nee ɔ ye Pelesela bɛvi Yetale bɛra a, ɔluakɛ ɛnee Belemgbunli Kolɔdeɛse ɛha kɛ Dwuuma mɔɔ wɔ Wulomu la amuala vi maanle ne anu ɛdu. Pɔɔlo hɔle bɛ nwo,

Ɛzoanvolɛma Gyima ne 18:26

Ɔdendɛle akɛnrasesebɛ zo kpalɛ wɔ Dwuuma nyianu sua ne anu. Pelesela nee Akoyela nwunle ye la, bɛvɛlɛle ye bɛ sua nu na bɛhilehilele ye Awulae Adenle ne anwo edwɛkɛ fɔɔnwo.

Ɛzoanvolɛma Gyima ne 19:10

Ɛhye hɔle zolɛ ɛvolɛ nwiɔ. Yemɔti ɔmanle bɛdabɛ mɔɔ ɛnee bɛwɔ Ehyea maanzinli ne anu la, Dwuuma nee bɛdabɛ mɔɔ bɛnle Dwuuma la, amuala dele Awulae anwo Edwɛkpa ne.

Ɛzoanvolɛma Gyima ne 2:9

Yɛdayɛ mɔɔ yɛvi Patea, Medea, yɛɛ Yilam, Mɛsɔpɔteemea, Dwudiya, yɛɛ Kapadosea, Pɔntɛse, yɛɛ Ehyea,

Wulo 16:15

Mebiza Felɔlɔgɛse nee Dwulia, Niliyuso nee ɔ diema raalɛ ne, Ɔlempase yɛɛ Nyamenle menli mɔɔ wɔ bɛ nwo ɛkɛ ne la amuala ahye.

Kɔlɔ 4:15

Yɛbiza mediema mɔɔ wɔ Lawɔdesia la ahye, eza yɛbiza Nemefa nee asɔnema ne mɔɔ yia nu wɔ ye sua nu ɛkɛ ne la ahye.

2 Tem 4:19

Mebiza Pelesela nee Akoyela, yɛɛ Onɛsefɔlɛse awuke nu amra ahye.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:2

ɔdwu asɔnema mɔɔ yia wɔ sua nu ɛkɛ ne, yɛɛ adiema raalɛ Afea nee Aakepɛse mɔɔ le yɛ gɔnwo sogyanli ne la ɛkɛ:

1 Pit 1:1

Kɛlata ɛhye vi medame Pita, mɔɔ mele Gyisɛse Kelaese ɛzoanvolɛ la ɛkɛ. Melɛ mekamaa Nyamenle menli ne mɔɔ yekpa nu yeye bɛ na bɛha maanɔne wɔ Pɔntɛse, Galeehyea, Kapɛdosea, Ehyea, yɛɛ Baetenea maanzinli ne mɔ anu la amuala.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”