1 Kɔl 16:16 - BAEBOLO ANZƐƐ BULUKU NWUANZANWUANZA

¹⁶ Me mediema, mebodo mesɛlɛ bɛ, bɛli menli mɔɔ le zɛhae, nee awie biala mɔɔ nee bɛ yɛ gyima nee bɛ sonle la ngilehilelɛ zo.

1 Kɔl 16:16 ပူးပေါင်းရင်းမြစ်များ

1 Edk 12:18

Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

Nolo 1:3

Duzu nvasoɛ a sonla nyia ye wɔ ɛvɛlɛ kpole ye mɔɔ ɔfɛ aleɛabo la anwo a?

Wulo 16:12

Mebiza Telaefina nee Telaefosa mɔɔ boka Awulae gyima ye anwo la, yɛɛ me gɔnwo kpalɛ Pɛsese ahye. Pɛsese ɛbɔ mɔdenle kpalɛ wɔ Awulae gyima ne anwo.

Wulo 16:3

Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye.

Wulo 16:6

Mebiza Mɛle mɔɔ ɔdaye noko yeyɛ gyima kpole kpalɛ wɔ bɛ nu wɔ lɔ la ahye.

Wulo 16:9

Mebiza Ɛbeenɛse mɔɔ yɛ muala a yɛyɛ Kelaese gyima ye la, nee Setakese mɔɔ ɔdaye ɔle me gɔnwo la ahye.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tɛs 5:12

Mediema, yɛsɛlɛ bɛ kɛ bɛli menli mɔɔ bɛ nee bɛ sonle na bɛyɛ bɛ mgbanyinli mɔɔ tu bɛ folɛ, na bɛkilehile bɛ Awulae adenle ne la eni.

1 Tem 5:17

Nwu ye kɛ mgbanyinli mɔɔ yɛ gyima kpalɛ la fɛta ahatualɛ mɔnwo, titile, bɛdabɛ mɔɔ bɛbɔ Edwɛkpa ne nolo na eza bɛkilehile la;

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

Kɛlata mɔɔ bɛhɛlɛle bɛhɔmanle Hibuluma la 13:24

Yɛbiza bɛ mgbanyima ne nee Nyamenle menli ne mɔ amuala ahye. Mediema mɔɔ vi Yetale ɛra ɛke la se bɛbiza bɛ ahye.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

3 Dw 1:8

Ɛhye ati, ɔwɔ kɛ yɛmɛ mɔɔ yɛle Kelaese ɛdoavolɛma la yɛboa menli ɛhye mɔ, amaa yɛ nee bɛ ali nɔhalɛ ne anwo gyima ne mɔɔ bɛlɛdi la.

Yekile 2:3

Meze kɛ ɛlɛ abotane ɛlɛkomo ɛ nwo zo, ɛlɛsɔ amaneɛ sa wɔ me duma ne ati, yɛɛ ɔtɛyɛle wɔ ɛvɛlɛ.