1 Kɔl 16:14 - BAEBOLO ANZƐƐ BULUKU NWUANZANWUANZA

¹⁴ Bɛva ɛhulolɛ bɛyɛ debie biala mɔɔ bɛyɛ la.

1 Kɔl 16:14 ပူးပေါင်းရင်းမြစ်များ

Dw 15:17

Ɛhye ati, mɔɔ meka meahile bɛ la a le kɛ; bɛhulo bɛ nwo ngoko ngoko.

Wulo 14:15

yɛɛ saa ɛmaa aleɛ mɔɔ ɛdi la amaa ɛ gɔnwo ali nyane a ɛnee ɛngulo ye. Mmamaa wɔ aleɛ mɔɔ ɛdi la sɛkye sonla mɔɔ Kelaese ɛwu ɛlie ye ngoane la.

1 Kɔl 12:31

Zɔhane ati bɛmaa bɛ nye ɛbolo bɛkpondɛ ahyɛlɛdeɛ kpalɛ ne mɔ mɔɔ sonle bolɛ na bɛ nwo hyia kpalɛ la. Akee bɛmaa mengile bɛ adenle kpalɛ kpalɛ ne mɔɔ hyia la.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Kɔl 16:15

Mediema, bɛze kɛ Setɛfanase nee ye sua nu amra a lumuale liele Kelaese lile wɔ Akaya (Giliki maanle nu) a, yɛɛ bɛdu bɛ nwo bɛmaa kɛ bɛkɛzonle Nyamenle menli ne.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

1 Tɛs 3:12

Awulae ɛmaa bɛnyia bɛ nwo ɛhulolɛ ngoko na ɔmaa bɛ ɛhulolɛ mɔɔ bɛlɛ ye wɔ menli nwo la ɛnyi ɛyɛ kpole kpalɛ kɛ ɛhulolɛ mɔɔ yɛlɛ ye wɔ bɛ nwo la.

1 Tɛs 3:6

Kɛkala, Temɔte vi bɛ nwo lɔ ɛzia ɛra yɛ nwo ɛke, na yeva amaneɛ fɛlɛko mɔɔ fane bɛ diedi nee ɛhulolɛ nwo la yerabɔ yɛ. Yeha yehile yɛ kɛ dahuu bɛdwenle yɛ nwo adwenle kpalɛ, yɛɛ bɛ nwo dɔ yɛ, kɛmɔ yɛdayɛ yɛ nwo dɔ bɛ la.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

2 Pit 1:7

bɛva mediema ɛyɛlɛ bɛboka bɛ nyamenlezonlenlɛ nwo na bɛva ɛhulolɛ bɛboka bɛ mediema ɛyɛlɛ nwo.