1 Kɔl 15:56 - BAEBOLO ANZƐƐ BULUKU NWUANZANWUANZA

⁵⁶ Ewule bɔlɔ a le ɛtane, yɛɛ ɛtane tumi ne vi mɛla ne anu.

1 Kɔl 15:56 ပူးပေါင်းရင်းမြစ်များ

Mrɛlɛbulɛ Buluku ne 14:32

Amumuyɛnli ninyɛndane ɛyɛlɛ maa ɔkpo aze, na tenlenenli nyia ɛvealeka wɔ ye nɔhalɛlilɛ nwo.

Dw 8:21

Gyisɛse hanle hilele bɛ bieko kɛ, “Mebahɔ; bɛbakpondɛ me, na bɛbawu bɛala bɛ ɛtane ne mɔ anu. Bɛnrɛhola ɛleka mɔɔ melɛkɔ la kɔ.”

Dw 8:24

Ɛhye ati yɛɛ meha mehile bɛ kɛ bɛbawu bɛala bɛ ɛtane ne mɔ anu la. Saa bɛanlie bɛanli kɛ, ‘Medame a le Medame’ a bɛbawu bɛala bɛ ɛtane ne mɔ anu bɔkɔɔ.”

Wulo 4:15

Mɛla ne azo ɛlilɛ bɔbɔ, yɛka Nyamenle ɛya; na ɛleka noko mɔɔ mɛla ɛnle la, menli ɛndo mɛla.

Wulo 5:15

Noko bɛ mu nwiɔ bɛnle ko, ɔluakɛ Nyamenle ɛlolɛ ahyɛlɛdeɛ ne ɛnle kɛ Adam ɛtane ne la. Ɔle nɔhalɛ kɛ sonla ko ne ɛtane ti menli dɔɔnwo wule ɛdeɛ, noko Nyamenle ɛlolɛ ahyɛlɛdeɛ ne mɔɔ ɔlua sonla ko ne, mɔɔ le Gyisɛse Kelaese ɛlolɛ zo ɔfa ɔkyɛ mgbane la wɔ ɛkɛ maa menli somaa.

Wulo 5:17

Sonla ko ne, Adam ɛtane ti yɛɛ ɛtane luale ranyianle sonla nwo zo tumi a. Zɔhane ala yɛɛ bɛdabɛ mɔɔ bɛbalua sonla ko ne, Gyisɛse Kelaese anwo zo bɛanyia ɛlolɛ ne molozo nee pɛlepɛlelilɛ ahyɛlɛdeɛ ne mɔɔ bɛfa bɛmaa mgbane la anwo bazo kpalɛ, na bɛalua ɔ nwo zo bɛali arelemgbunli wɔ bɛ ɛbɛlabɔlɛ nu a.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.