1 Kɔl 15:54 - BAEBOLO ANZƐƐ BULUKU NWUANZANWUANZA

⁵⁴ Yemɔti saa nwonane mɔɔ kpɔlɔ la kakyi yɛ mɔɔ ɛmkpɔlɔ ɛlɛ la, na nwonane mɔɔ wu la kakyi yɛ mɔɔ ɛnwu ɛlɛ la a, ɛnee Nyamenle Edwɛkɛ ne bayɛ nɔhalɛ kɛ, “Bɛzɛkye ewule! Bɛli ɔ nwo zo konim bɔkɔɔ!

1 Kɔl 15:54 ပူးပေါင်းရင်းမြစ်များ

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Edwɛkpa ne kɛmɔ Luku hɛlɛle la 20:36

Bɛbayɛ kɛ anwuma soanvolɛma la na bɛnrɛwu ɛlɛ. Bɛle Nyamenle amra, ɔboalekɛ bɛdwazo bɛ bɛvi ewule nu.

Wulo 1:23

kɛ bɛkɛzonle damɛnlangoate Nyamenle ne la, bɛsonle ninyɛne mɔɔ bɛdabɛ bɛnwo, mɔɔ le kɛ sonla, nloma, nane anzɛɛ nwɔlɛ la.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 6:12

Zɔhane ati ɔnle kɛ ɛtane nyia bɛ nwo zo tumi bieko na ɔmaa bɛdi ye atiakunluwɔzo nzi.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

2 Kɔl 4:11

Yɛ ngoane mekɛ nu amuala ewule sianle yɛ wɔ Kelaese ati, amaa menli anwu ye ngoane ne wɔ yɛ sonlabaka ɛhye ala anu.

2 Kɔl 5:4

Mekɛ mɔɔ yɛde ndanlɛ sua ɛhye anu la, yɛsu yɛ kunlu kpalɛ wɔ anwongyelelɛ nu; tɛ kɛ asɛɛ bɛkpa yɛ azɛlɛ ye azo ndanlɛ sua bɛvi yɛ nwo ɔ, na yemɔ a le kɛ, yɛkpondɛ kɛ bɛfa anwuma ndanlɛ sua ɛdeɛ fofolɛ ne bɛkpolo yɛ, amaa ngoane aheda mɔɔ wu la azo.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

Yekile 20:14

Akee bɛvuandinle Ewule nee Ɛbolɔ bɛguale senle tandane ne anu. Senle ɛhye a le ewule ne mɔɔ tɔ zolɛ nwiɔ la.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”