1 Kɔl 15:44 - BAEBOLO ANZƐƐ BULUKU NWUANZANWUANZA

⁴⁴ Bɛsie ye nwonane nu sonlabaka; Nyamenle dwazo ye sunsum nu sonlabaka. Saa nwonane nu sonlabaka wɔ ɛkɛ a, ɛnee sunsum nu sonlabaka wɔ ɛkɛ.

1 Kɔl 15:44 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 24:31

Ɛkɛ ne ala bɛ nye zo dele na bɛnwunle ye sonla holɛ, na eza ɛkɛ ne ala ɔminliminlinle bɛ nye zo.

Dw 20:19

Molɛ kenle ko ne ala mɔɔ ɛnee aleɛ ɛdwo kpalɛ la, ɛnee ɛdoavolɛma ne ɛhuohua bɛ nloa na bɛdo bɛ nwo anlenkɛ nu, ɔboalekɛ bɛsulo Dwuu mgbanyima ne mɔ. Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Dw 20:26

Ɔlile dapɛne ko la ɛdoavolɛma ne mɔ eza huohuanle bɛ nloa na bɛdole bɛ nwo anlenkɛ nu bieko, mekɛ ne anu ɛnee Tɔmase boka bɛ nwo. Bɛtotole nlenkɛ ne mɔ anu ɛdeɛ, noko Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

1 Kɔl 15:50

Mediema, mɔɔ mekpondɛ meaha la a le kɛ, nwonane nee mogya ɛngola ɛnnyia Nyamenle Belemgbunlililɛ ne, yɛɛ debie mɔɔ kpɔlɔ la ɛngola ɛnnyia mɔɔ ɛmkpɔlɔ la.

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.