1 Kɔl 15:31 - BAEBOLO ANZƐƐ BULUKU NWUANZANWUANZA

³¹ Meka ko ɛhye, mediema! Yɛ Awulae Gyisɛse Kelaese ati, ewule sianle me dahuu wɔ me nwo mɔɔ metu ye wɔ bɛ nwo la anwo.

1 Kɔl 15:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:3

Na Dwuda hanle kɛ, “Nrenya ne hakyele yɛ anyebololɛ zo kɛ, saa yɛanva yɛ diema ekyi ne yeamba a, ɔnrɛnlea yɛ nyunlu fee.

Gyɛlɛmaya Buluku ne 11:7

Ɔluakɛ mekɛ mɔɔ me nee bɛ ze mɔ vi Yigyibiti rale la, membɔle bɛ kɔkɔ ɛsesebɛ kɛ bɛdie me, na mehɔ zolɛ mehakye bɛ toonwo a yeradwu ɛnɛ a.

Zɛkalaya Buluku ne 3:6

Na Ɛdɛnkɛma soanvolɛ ne zele Dwɔhyua kɛ,

Ɛzoanvolɛma Gyima ne 20:23

mɔɔ meze la a le kɛ Sunsum Nwuanzanwuanza ne ɛhakye me wɔ sua biala azo kɛ efiadedolɛ nee esiane yɛɛ ɛlɛkendɛ me a.

Wulo 8:36

Nyamenle Edwɛkɛ ne se, “Bɛdabɛ bɛ ti yɛgyi ewule avinli alehyenlɛ muala; na bɛyɛ yɛ kɛ mboane mɔɔ bɛ nee bɛ ɛlɛkɔ ahunleɛ.”

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 3:9

Kɛkala yɛkola yɛyɛ Nyamenle mo wɔ bɛ ti. Yɛyɛ Nyamenle mo wɔ anyelielɛ mɔɔ bɛmɛ bɛ ti yɛlɛ ye wɔ ɔ nyunlu la.

1 Sam 8:9

Yemɔti, wɔmɔ tie bɛ. Noko bɔ bɛ kɔkɔ ɛsesebɛ, na maa bɛnwu adenle mɔɔ bɛ belemgbunli ne balua nu azie bɛ la.”