1 Kɔl 15:19 - BAEBOLO ANZƐƐ BULUKU NWUANZANWUANZA

¹⁹ Saa ngoane ɛhye anu ala yɛɛ yɛlɛ anyelazo wɔ Kelaese anu a, ɛnee noko yɛyɛ anwunvɔne kpole kpalɛ yɛtɛla menli kɔsɔɔti.

1 Kɔl 15:19 ပူးပေါင်းရင်းမြစ်များ

Edwɛndolɛ Buluku ne 17:14

O Ɛdɛnkɛma, fa wɔ tumi ne die me fi menli sa nu, menli mɔɔ bɛ kyɛfoa a le ewiade la. Maa mɔɔ wɔva wɔzie bɛ la ɛyi bɛ ko; maa bɛ mra ɛnyia bie ɛmaa ɔbo zo; na bɛdabɛ bɛgyakyi bie bɛmaa bɛ mra.

Nolo 6:11

Ɛdendɛlɛ dɔɔnwo maa bɛka mgbane mgbane, yɛɛ ɔmmaa sonla ɛbɛla ɛngakyi.

Nolo 9:9

Mekɛ tendenle biala mɔɔ Nyamenle ɛva ɛmaa wɔ, mɔɔ ɛdi ye wɔ ewiade ɛbɛlabɔlɛ mgbane ye anu la, fa ɛ ye ne mɔɔ ɛkulo ye la dielie ɛ nye, ɔboalekɛ ɛvɛlɛ totohyia ye mɔɔ ɛlɛfɛ aleɛabo la, wɔ afoa nu ɛdeɛ ne ala ɛne.

Edwɛkpa ne kɛmɔ Mateyu hɛlɛle la 24:9

“Akee bɛbahye bɛ na bɛahɔye bɛ bɛamaa bɛadea bɛ na bɛahu bɛ. Aleɛabo amra amuala bakpɔ bɛ wɔ me ti.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Edwɛkpa ne kɛmɔ Luku hɛlɛle la 8:14

Ma ne mɔɔ guale mbowule nu la a le bɛdabɛ mɔɔ bɛtie edwɛkɛ ne, na bɛmaa ɛbɛlabɔlɛ nwo adwenleadwenle, anwonyia nee anyelielɛ fo keda edwɛkɛ ne azo la, ɛhye ati bɛ ma ɛnyɛ kpalɛ.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 2:4

Sogyanli mɔɔ gyi konle nloa la kpondɛ kɛ ɔsɔ ye safohyenle ne anye. Yemɔti ɔnva ɔ nwo ɔnwulowula maanlema ɛbɛlabɔlɛ nu.

2 Tem 3:12

Nɔhalɛ, awie biala mɔɔ kpondɛ kɛ ɔbɔ ɛbɛla kpalɛ na ɔ nee Kelaese Gyisɛse dua la, bɛbayɛ ye kpɔdekpɔde.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”