1 Kɔl 14:8 - BAEBOLO ANZƐƐ BULUKU NWUANZANWUANZA

⁸ Saa bɛbɔ mangɛta na ɔ ne anvɛlɛ boɛ a, nwane a kɛboɔboa ɔ nwo kɛ ɔkɔ konle a?

1 Kɔl 14:8 ပူးပေါင်းရင်းမြစ်များ

Ayezaya Buluku ne 27:13

Mekɛ ne anu bɛbabɔ aweɛne tendenle kpole ne anu, na bɛdabɛ mɔɔ bɛminlinle bɛhɔle Aselea azɛlɛ zo, nee bɛdabɛ mɔɔ bɛvoanle bɛ bɛmanle bɛhɔle Yigyibiti azɛlɛ zo la bara na bɛarazonle Ɛdɛnkɛma wɔ Boka Nwuanzanwuanza ne azo wɔ Gyɛlusalɛm.

Gyɛlɛmaya Buluku ne 4:19

Nyane ne! Mengola nyane ne anu sɔ! Me ɛbolɛ! Me ɛbolɛ ɛlɛte! Me ahonle ɛlɛnriandi me kunlu. Mengola koonwu yɛ. Mete aweɛne tendenle ne ane, ɔkile kɛ konle ɛlɛba.

Dwowɛle Buluku ne 2:1

Bɛwu aweɛne tendenle ne anu wɔ Zayɔn; bɛbɔ bubu wɔ me boka nwuanzanwuanza ne azo! Bɛmaa menli mɔɔ wɔ azɛlɛ ne azo la kɔsɔɔti anwo ɛwozo bɛ, ɔluakɛ Ɛdɛnkɛma kenle ne ɛlɛba, yedwu bɔbɔ asɛɛ.

Emɔzo Buluku ne 3:6

Asoo bɛwu aweɛne tendenle ne anu wɔ suakpole ne azo a menli ahonle ɛndu? Asoo munzule to suakpole, kyesɛ Ɛdɛnkɛma yɛɛ ɛyɛ a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:9

Saa bɛ nee bɛ kpɔvolɛma mɔɔ ɛlɛsisi bɛ wɔ bɛ azɛlɛ ne azo la kaho a, bɛwu aweɛne ndendenle ne mɔ anu nzinrenzinra bɛhile kɛ konle ɛzi. Na medame, Ɛdɛnkɛma bɛ Nyamenle ne, mebaboa bɛ na mealie bɛ meavi bɛ kpɔvolɛma asa anu.

1 Kɔl 14:7

Saa bɛlɛbɔ ninyɛne bɔbɔ mɔɔ ɛnlɛ ngoane wɔ bɛ nu, mɔɔ le kɛ fulutu anzɛɛ getaa la na ɛnelɛ ne mɔ ɛnvinde kpalɛ a, kɛ ɔkɛyɛ na bɛanwu edwɛne holɛ ko mɔɔ bɛlɛbɔ la ɛ?