1 Kɔl 14:6 - BAEBOLO ANZƐƐ BULUKU NWUANZANWUANZA

⁶ Mediema, saa meba bɛ nwo lɔ na mebaka aneɛ ngakyile mekile bɛ a, duzu nvasoɛ a bɛkɛnyia ye bɛkɛvi me ɛkɛ ne a? Bɛnrɛnyia ɛhwee, kyesɛ melɛ yekile bie vi Nyamenle ɛkɛ anzɛɛ deɛnwunlɛ bie anzɛɛ nrɛlaleɛ bie vi Nyamenle lɔ, anzɛɛ ngilehilelɛ bie mebɛlɛ bɛ.

1 Kɔl 14:6 ပူးပေါင်းရင်းမြစ်များ

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 23:32

Bɛnlea, mekyi bɛdabɛ mɔɔ bɛka ɛlalɛ adalɛ na bɛfa bɛ adalɛ nee bɛ nloa anu ɛyelɛ bɛdi me menli ne adwenle na bɛminli bɛ wɔ mekɛ mɔɔ metɛsoanle bɛ, anzɛɛ metɛkilele bɛ debie kɛ bɛyɛ la. Menli ne ɛnnyia Nyamenle kpɔmanvolɛma ne mɔ nyɛleɛ ne azo nvasoɛ biala.”

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 16:26

Saa sonla nyia ewiade ninyɛne ne amuala na ɔminli ye ɛkɛla a, duzu nvasoɛ a ɔnyia a? Ɔnnyia ɛhwee! Debie biala ɛnle ɛkɛ mɔɔ sonla kɛhola kɛva kɛzenza ye ngoane a.

Ɛzoanvolɛma Gyima ne 2:42

Na bɛdule bɛ nwo bɛmanle ɛzoanvolɛma ne ngilehilelɛ ne, bɛ nee bɛ zonlenle, na bɛbɔle nu bɛlile debie wɔ mediema ɛyɛlɛ nu.

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Kɔl 14:7

Saa bɛlɛbɔ ninyɛne bɔbɔ mɔɔ ɛnlɛ ngoane wɔ bɛ nu, mɔɔ le kɛ fulutu anzɛɛ getaa la na ɛnelɛ ne mɔ ɛnvinde kpalɛ a, kɛ ɔkɛyɛ na bɛanwu edwɛne holɛ ko mɔɔ bɛlɛbɔ la ɛ?

2 Kɔl 11:6

Saa me nloa yɛɛ ɛtɛtele bɔbɔ a, tɛ nwoma nu ɔ; yɛɛ yɛla ɛhye ali wienyi yɛhile bɛ wɔ ndenle dɔɔnwo nee debie biala anu.

2 Kɔl 12:1

Ɔwɔ kɛ metu me nwo, saa nvasoɛ ɛnle zolɛ bɔbɔ a, ɔwɔ kɛ metu me nwo. Noko meka ninyɛne mɔɔ Awulae ɛlolɛ zo yemaa menwu bɛ nee mɔɔ yeye yehile me la.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:4

na saa bɛkenga mɔɔ mehɛlɛ la a anrɛɛ bɛkɛnwu me ndelebɛbo ne mɔɔ fane Kelaese anwo edwɛkɛ ne mɔɔ vea la anu.)

Pɔɔlo Kɛlata mɔɔ ɔhɛlɛle ɔhɔmanle Felepaema la 3:15

Bɛmaa yɛmɛ mɔɔ yɛnyi sunsum nu la yɛnyia subane zɛhae, na saa bɛ bie mɔ noko lɛ subane ngakyile bie a, Nyamenle ɔdaye ɔbahilehile bɛ yeamaa bɛade ɔ bo.

2 Tem 2:14

Kakyehakye wɔ menli ne mɔ wɔ ɛhye anwo, na bɔ bɛ kɔkɔ wɔ Nyamenle anyunlu kɛ bɛmmadi edwɛkɛ agbɔkɛ nwo butule. Ɔnle kpalɛ, yɛɛ ɔsɛkye menli mɔɔ tie la adwenle.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

2 Tem 3:16

Bɛfa Nyamenle Sunsum a bɛkɛlɛ Nyamenle Edwɛkɛ ne a, na ɔle kpalɛ ɔmaa nɔhalɛ ne ɛhilehilelɛ, sonla nyunlu ɛhwilɛ, folɛdulɛ, yɛɛ menli ɛtetelɛ wɔ ɛbɛla kpalɛ ɛbɔlɛ nu,

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

2 Pit 1:5

Ɔlua ɛhye ala ati ɔwɔ kɛ bɛbɔ mɔdenle bɛfa kpalɛyɛlɛ bɛboka bɛ diedi nwo na bɛfa deɛnwunlɛ bɛboka bɛ kpalɛyɛlɛ nwo.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.

1 Sam 12:21

Bɛmmadi adalɛ nyamenle ne mɔ mɔɔ ɛnrɛhola ɛnrɛlie bɛ ngoane la anzi, ɔluakɛ bɛdabɛ mumua ne bɛnlɛ ngoane.