1 Kɔl 14:4 - BAEBOLO ANZƐƐ BULUKU NWUANZANWUANZA

⁴ Mɔɔ ka aneɛ ngakyile la boa ɔ ngomekye ɔ nwo na mɔɔ bɔ Nyamenle edwɛkɛ ne nolo la boa asɔnema amuala.

1 Kɔl 14:4 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 16:17

Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile;

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

1 Kɔl 12:10

Nyamenle Sunsum ne maa bie tumi maa ɔyɛ nwanwane ninyɛne yɛɛ ɔmaa bie ahyɛlɛdeɛ mɔɔ ɔfa ɔbɔ Nyamenle edwɛkɛ ne nolo a; ɔmaa bie ɛnyelɛ mɔɔ ɔkola ɔfa ɔnwu ahyɛlɛdeɛ ne mɔ mɔɔ vi Nyamenle Sunsum ne ɛkɛ ne nee mɔɔ ɛnvi ye ɛkɛ ne la. Nyamenle Sunsum ne maa bie tendɛ aneɛ ngakyile, yɛɛ ɔmaa bie noko tumi mɔɔ ɔkola ɔkile mɔɔ bɛka la abo.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 14:12

Zɔhane ala yɛɛ kɛmɔ bɛ nye ɛbolo kɛ bɛkɛnyia Nyamenle Sunsum nu ahyɛlɛdeɛ ne mɔ bɛkɛdɛla debie biala la, bɛbɔ mɔdenle na bɛnyia ahyɛlɛdeɛ ne mɔ mɔɔ boa maa asɔne ne kɔ ɔ nyunlu la.

1 Kɔl 14:22

Ɛhye ati, aneɛ ngakyile ɛhanlɛ ahyɛlɛdeɛ ne ɛnle sɛkɛlɛneɛ ɛmmaa diedima. Ɔle sɛkɛlɛneɛ ɔmaa bɛdabɛ mɔɔ bɛnlie bɛnli la, yɛɛ Nyamenle edwɛkɛ ne nolobɔlɛ ahyɛlɛdeɛ ne le sɛkɛlɛneɛ maa diedima. Ɔnle sɛkɛlɛneɛ ɔmmaa bɛdabɛ mɔɔ bɛnlie bɛnli la.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 14:3

Na mɔɔ bɔ Nyamenle edwɛkɛ ne nolo la tendɛ kile menli, ɔboa bɛ, ɔmaa bɛ akɛnrazilɛ na ɔkyekye bɛ rɛle.

1 Kɔl 14:5

Mekulo kɛ anrɛɛ bɛ muala bɛkɛha aneɛ ngakyile ne mɔ bie, noko me kunlu a anrɛɛ eza bɛ muala bɛkola bɛbɔ Nyamenle edwɛkɛ ne nolo kpalɛ. Ɔluakɛ sonla mɔɔ bɔ Nyamenle edwɛkɛ ne nolo la anwo hyia kpalɛ tɛla sonla mɔɔ ka aneɛ ngakyile la, kyesɛ awie wɔ ɛkɛ ne mɔɔ kola kile mɔɔ ɔka la abo a, amaa yeayɛ moalɛ yeamaa asɔnema amuala.