1 Kɔl 14:34 - BAEBOLO ANZƐƐ BULUKU NWUANZANWUANZA

³⁴ mraalɛ ɛmua bɛ nloa wɔ asɔne nyianu ne mɔ anu. Bɛnlɛ adenle kɛ bɛkɛdendɛ, kɛmɔ Dwuuma mɛla ne se la, ɔwɔ kɛ bɛboa mrenya ne mɔ abo.

1 Kɔl 14:34 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:16

Akee ɔzele raalɛ ne kɛ, “Mebamaa wɔade nyane kpalɛ wɔ awolɛ nu; ɛbade nyane wɔ wɔ ralɛ ɛwolɛ nu, noko ɛ nwo balɔ ɛ hu na yeazie wɔ.”

1 Kɔl 11:13

Bɛdabɛ bɛbua: asoo ɔle kpalɛ kɛ raalɛ mɔɔ angeda ɔ ti zo la kɛzɛlɛ wɔ Nyamenle anyunlu?

1 Kɔl 11:3

Noko mekpondɛ kɛ bɛte ɔ bo kɛ nrenya biala amenle a le Kelaese, raalɛ biala amenle a le ɔ hu, yɛɛ Kelaese amenle a le Nyamenle.

1 Kɔl 11:5

Raalɛ biala noko mɔɔ ɛlɛyɛ nzɛlɛlɛ anzɛɛ ɛlɛka Nyamenle edwɛkɛ na yeangeda ɔ ti zo la gua ɔ hu anyunlu aze; ngakyile biala ɛnle ye nee raalɛ mɔɔ bɛkpa ɔ ti la avinli.

1 Kɔl 14:21

Bɛhɛlɛ ye wɔ Nyamenle Edwɛkɛ ne anu kɛ, “Awulae se, Mebalua menli bie mɔɔ ka aneɛ ngakyile nee nyɛvolɛ anloa ɛdendɛlɛ zo meadendɛ meahile menli ɛhye mɔ; noko bɛnrɛdie me edwɛkɛ bɔbɔ.”

1 Kɔl 14:35

Saa edwɛkɛ bie a, bɛbiza bɛ hu mɔ wɔ sua nu, ɔluakɛ ɔyɛ anyiemgba bɔbɔ kɛ raalɛ kɛdendɛ asɔne sua nu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:33

Noko ɔwɔ kɛ kunli biala kulo ɔ ye kɛ ɔdaye ɔ nwo, na yelɛ biala noko di ɔ hu eni.

Kɔlɔ 3:18

Yelɛma, bɛha bɛ nwo aze bɛmaa bɛ hu mɔ, na mɔɔ Kelaese ɛdoavolɛ biala ɔwɔ kɛ yɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:5

amaa bɛanwu nrɛlɛbɛ, bɛazie bɛ nwo diinyi, bɛayɛ atiakunlukɛnlɛma, bɛ nwo ade saanwu, na bɛayɛ yelɛma kpalɛ mɔɔ tie bɛ hu mɔ ane a, amaa awie anga Nyamenle edwɛkɛ ne anwo edwɛkɛ ɛtane.