1 Kɔl 14:32 - BAEBOLO ANZƐƐ BULUKU NWUANZANWUANZA

³² Mɔɔ ka Nyamenle nrɛlaleɛ la ɛzɔ ɔ nwo,

1 Kɔl 14:32 ပူးပေါင်းရင်းမြစ်များ

2 Arl 2:3

Nyamenle kpɔmanvolɛma asa azo bie mɔ mɔɔ wɔ Bɛtɛle la razele Yilaehya kɛ “Asoo ɛze kɛ ɛnɛ demua ye Ɛdɛnkɛma barava ɛ menle ye ahɔ ɔ?” Yilaehya buale kɛ, “Ɛhɛe, meze; noko bɛmɛ bɛmua bɛ nloa.”

2 Arl 2:5

Nyamenle kpɔmanvolɛma asa azo bie mɔ mɔɔ wɔ ɛkɛ ne la razele Yilaehya kɛ, “Asoo ɛze kɛ ɛnɛ demua ye Ɛdɛnkɛma barava ɛ menle ye ahɔ ɔ?” Yilaehya buale bɛ kɛ, “Ɛhɛe, meze, bɛmɛ bɛyɛ koonwu.”

Gyɛlɛmaya Buluku ne 20:9

Saa meka kɛ, “Menrɛbɔ ye duma anzɛɛ menrɛbɔ ye duma menrɛdeɛdea” a; ɛnee ye edwɛkɛ ne sɔ kɛ senle yela me ahonle nu, ɔwolowolo me mbowule nu; akee meli ye me kunlu mevɛ, mengola.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

1 Kɔl 14:31

Ɔluakɛ bɛ muala bɛlɛ adenle bɛtendɛ bɛbɔ Nyamenle edwɛkɛ ne nolo ngoko ngoko, amaa bɛ muala bɛazukoa na bɛ nwo ayɛ se.

1 Kɔl 14:33

ɔluakɛ Nyamenle ɛnle basabasa Nyamenle. Ɔle anzonudwolɛ Nyamenle. Kɛmɔ bɛyɛ ye wɔ Nyamenle asɔnema ne mɔ amuala anu la,

2 Tɛs 2:2

bɛmmamaa bɛ adwenle yɛ bɛ kpomgbondee anzɛɛ bɛmmadi nyane wɔ nwolɛ na bɛdwenle kɛ asɛɛ Awulae Kenle zɔhane ɛraze dɛbadɛba. Ɔkɛyɛ kɛ bekezɛ ɔvindele Sunsum nu edwɛkɛ bie anu anzɛɛ Nyamenle Edwɛkɛ ne nolobɔlɛ nu, anzɛɛ yɛhɛlɛ ye wɔ yɛ ngɛlata mɔɔ yɛva yɛrɛlɛ bɛ la bie anu.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Yekile 22:6

Na Nyamenle soanvolɛ ne zele me kɛ, “Edwɛkɛ ɛhye mɔ le nɔhalɛ na bɛfa bɛ rɛle bɛwula nu a ɔyɛ boɛ. Awulae Nyamenle ne mɔɔ fa ye Sunsum ne wula ye kpɔmanvolɛma la yɛɛ ɛzoa ye soanvolɛma ne mɔ anu ko kɛ ɔraye mɔɔ ɛnrɛhyɛ biala na yeazi la ɔhile ye sonvolɛma ne mɔ a.”