1 Kɔl 14:3 - BAEBOLO ANZƐƐ BULUKU NWUANZANWUANZA

³ Na mɔɔ bɔ Nyamenle edwɛkɛ ne nolo la tendɛ kile menli, ɔboa bɛ, ɔmaa bɛ akɛnrazilɛ na ɔkyekye bɛ rɛle.

1 Kɔl 14:3 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 3:18

Dwɔn luale ndenle dɔɔnwo azo bɔle Edwɛkpa ne nolo hilele menli ne na ɔdule bɛ folɛ kɛ bɛhakyi bɛ subane.

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 15:32

Dwudase nee Saelase, mɔɔ bɛdabɛ mumua ne bɛle Nyamenle kpɔmanvolɛma la dendɛle dɔɔnwo hilele bɛ manle bɛnyianle anwosesebɛ.

Ɛzoanvolɛma Gyima ne 4:36

Zɔhane ala yɛɛ Dwosefi ɔdaye noko ɔyɛle a. Nrenya ɛhye boka Livae abusua ne anwo. Bɛwole ye wɔ bɔra ne mɔɔ bɛfɛlɛ ye Saepelɛse la azo na ɛzoanvolɛma ne donle ye Baanabase. (Wɔ Hibulu aneɛ ne anu a duma ne abo a le “Sonla mɔɔ maa akɛnrasesebɛ la.”)

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

Wulo 15:2

Mɔɔ ɔwɔ kɛ yɛyɛ la a le kɛ yɛkɛmaa yɛ gɔnwo mɔ anye kɛlie bɛ nwo wɔ bɛ boɛlilɛ ti, amaa bɛ diedi anyi.

1 Kɔl 10:23

Bɛte kɛ bɛka kɛ, “Yɛlɛ adenle yɛyɛ debie biala.” Ɔle zɔhane, noko tɛ ninyɛne ne amuala a boa a. “Yɛlɛ adenle yɛyɛ debie biala,” noko tɛ ninyɛne ne amuala a maa ngɔzo a.

1 Kɔl 14:12

Zɔhane ala yɛɛ kɛmɔ bɛ nye ɛbolo kɛ bɛkɛnyia Nyamenle Sunsum nu ahyɛlɛdeɛ ne mɔ bɛkɛdɛla debie biala la, bɛbɔ mɔdenle na bɛnyia ahyɛlɛdeɛ ne mɔ mɔɔ boa maa asɔne ne kɔ ɔ nyunlu la.

1 Kɔl 14:17

Bɛ moyɛlɛ nzɛlɛlɛ ne le kpalɛ bɔbɔ ɛdeɛ, noko sonla zɔhane ɛnnyia moalɛ biala wɔ nwolɛ.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 14:31

Ɔluakɛ bɛ muala bɛlɛ adenle bɛtendɛ bɛbɔ Nyamenle edwɛkɛ ne nolo ngoko ngoko, amaa bɛ muala bɛazukoa na bɛ nwo ayɛ se.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

2 Kɔl 1:4

Ɔkyekye yɛ rɛle wɔ amaneɛnwunlɛ kɔsɔɔti anu na yɛdua ye arɛlekyekyelɛ ne azo yɛkyekye bɛdabɛ mɔɔ bɛ nwo ɛhyele bɛ wɔ ndenle ngakyile dɔɔnwo anu la arɛle.

2 Kɔl 2:7

Zɔhane ati bɛva ɔ nwo edwɛkɛ bɛhyɛ ye na bɛkyekye ɔ rɛle, amaa yeanli nyane somasoma yeangyakyi diedi ne anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:22

Yemɔti yɛɛ melɛsoa ye bɛ nwo lɔ a, amaa bɛanwu kɛ yɛ muala yɛ nwo si de la na eza yeamaa bɛ anwosesebɛ.

Kɔlɔ 4:8

Ɛhye ati a melɛsoa ye wɔ bɛ nwo lɔ a, amaa yeaha kɛ yɛ agbɔkɛ nu si de la yeahile bɛ na bɛ nye alie.

1 Tɛs 2:11

Bɛdabɛ bɛnwunle kɛ yɛyɛle bɛ nuhua ko biala kɛ selɛ kɛyɛ ɔ ra la.

1 Tɛs 2:3

Ɔluakɛ mɔɔ yɛvale yɛdole bɛ nyunlu la ɛngyi nvonleɛ bie anzɛɛ adwenle ɛtane biala azo, yɛɛ yɛando awie biala abɛla.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 4:18

Yemɔti, bɛva ɛhye mɔ bɛkyekye bɛ rɛle ng bɛkyekye bɛ rɛle ng

2 Tɛs 3:12

Yɛka yɛahile menli mɔɔ le zɛhae la kɛ yɛlua Awulae Gyisɛse Kelaese duma nu, yɛbɔ bɛ kɔkɔ anzɛɛ yɛkakye bɛ kɛ, bɛbɔ ɛbɛla mɔɔ maa anzonudwolɛ la na bɛyɛ gyima mɔɔ kɛmaa bɛ sa kɛhɔ bɛ nloa dahuu la.

1 Tem 1:4

Ka kile bɛ maa bɛgyakyi bɛ nla mɔ anwo nwɔra ɛdolɛ ne nee mbusua nu ɛhilehilelɛ somasoma ne. Ɛhye mɔ wie kpolerazulɛ ala, na ɔnvane Nyamenle ngyehyɛlɛ ne mɔɔ bɛdua diedi zo bɛnwu ye la anwo.

1 Tem 4:13

Maa ɛ nye ɛbolo Nyamenle Edwɛkɛ ne ɛgengalɛ wɔ bagua nu, ye nolobɔlɛ nee ye ngilehilelɛ nwo kɔkpula kɛ menwɔra la.

1 Tem 6:2

Ahanra mɔɔ bɛ menle mɔ le diedima la mmakpo kɛ bɛnrɛli bɛ menle mɔ eni, kɛmɔ bɛle bɛ mediema la ati. Ɔwɔ kɛ bɛsonle bɛ kpalɛ, ɔboalekɛ bɛ gyimayɛlɛ nwo nvasoɛ ne kɔ diedima mɔɔ bɛkulo bɛ edwɛkɛ la lɔ. Kilehile na bɔ ninyɛne ɛhye mɔ nolo.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:9

Ɔwɔ kɛ ɔsɔ Nyamenle edwɛkɛ ne mɔɔ bɛkola bɛfa bɛ rɛle bɛto zo na eza ɔ nee yɛ ngilehilelɛ ne kɔ zolɛ la anu kyengye. Adenle ɛhye azo yɛɛ ɔbamaa yeahola yeamaa menli anwosesebɛ na yeahilehile bɛ na eza yeamaa bɛdabɛ mɔɔ bɛtia ngilehilelɛ ne la anwu bɛ nvonleɛ a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:6

Zɔhane ala yɛɛ ka kile mgbavolɛ ne mɔ maa bɛzɔ bɛ nwo a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:9

Kilehile bɛdabɛ mɔɔ bɛle ahanra la maa bɛdie bɛ menle mɔ edwɛkɛ na bɛmaa bɛ menle mɔ akunlu ɛdwo bɛ nwo wɔ ninyɛne muala anu. Saa bɛ menle mɔ tendɛ bɛ nyunlu a, bɛmmayeye bɛ nloa azo.

Kɛlata mɔɔ bɛhɛlɛle bɛhɔmanle Hibuluma la 10:25

Bɛmmamaa yɛgyakyi kɛ yɛkɛhɔ yɛ nyianu ne, kɛmɔ bie mɔ yɛ la. Bɛdabɛ bɛkola bɛnwu kɛ Awulae Kenle ne ɛbikye, yemɔti bɛmaa yɛsosɔ yɛ nwo ngoko ngoko.

Kɛlata mɔɔ bɛhɛlɛle bɛhɔmanle Hibuluma la 13:22

Mebodo bɛ, me mediema, bɛzi abotane bɛdie akɛnrazilɛ nrɛlaleɛ ɛhye, ɔluakɛ kɛlata ɛhye mɔɔ mehɛlɛ bɛ la anwa biala.

Kɛlata mɔɔ bɛhɛlɛle bɛhɔmanle Hibuluma la 3:13

Zɔhane ati, amaa ɛtane ambɛlɛbɛla bɛ biala na yeakpunli ye ahonle la, bɛboa bɛ nwo ngoko alehyenlɛ biala, kɛmɔ “Ɛnɛ” gyi ɛkɛ ne maa yɛ alehyenlɛ biala mɔɔ kɛhye yɛ nyunlu la.

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

Dwuudu Kɛlata ne 1:20

Ayi mɔ, bɛhɔ zolɛ bɛnyi na bɛgyinla kpundii wɔ bɛ diedi nwuanzanwuanza ne anu. Bɛzɛlɛ wɔ Sunsum Nwuanzanwuanza ne tumi ne anu,