1 Kɔl 14:20 - BAEBOLO ANZƐƐ BULUKU NWUANZANWUANZA

²⁰ Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 14:20 ပူးပေါင်းရင်းမြစ်များ

Nihɛmaya Buluku ne 4:13

Yemɔti memanle me menli ne konle ninyɛne: dadeɛ, atwɛ nee ɛda mɔ, na mengyɛle bɛ nuhua awuke awuke na memanle bɛhɔdɛle bane ne anzi ɛleka biala mɔɔ bane ne ɛtɛkɔle anwuma la.

Edwɛndolɛ Buluku ne 119:99

Melɛ ndelebɛbo metɛla me kilehilevolɛma amuala, ɔluakɛ wɔ mɛla ne mɔ ala a medwenledwenle nwolɛ a.

Ayezaya Buluku ne 11:3

Ɔbava anyelielɛ yeayɛ tieyɛ yeamaa Ɛdɛnkɛma, ɔnrɛbua ndɛne ɛnyelɛzo, yɛɛ ɔnrɛhyea ɔ nzo ɔnrɛbua ndɛne.

Gyɛlɛmaya Buluku ne 4:22

Ɛdɛnkɛma se, “Me menli ne le ahɔnwɔne; bɛnze me. Bɛle ngakula ahoasea; bɛnlɛ ndelebɛbo. Bɛbe ɛtaneyɛlɛ nu, na kpalɛ, bɛnze ye yɛ.”

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 18:3

na ɔzele bɛ kɛ, “Bɛhakye ɛhye! Kyesɛ bɛkakyi bɛ nyɛleɛ na bɛyɛ kɛ ngakula la, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Mateyu hɛlɛle la 19:14

Na Gyisɛse zele ɛdoavolɛma ne kɛ, “Bɛmmasi ngakula ne mɔ aze, bɛmaa bɛ adenle bɛmaa bɛrɛla me nwo, na Anwuma Belemgbunlililɛ ne le bɛdabɛ mɔɔ bɛle kɛ ɛhye mɔ zɛhae la ɛdeɛ.”

Edwɛkpa ne kɛmɔ Mateyu hɛlɛle la 19:4

Gyisɛse buale kɛ, “Bɛtɛkengale Nyamenle Edwɛkɛ ne mɔɔ se: Mɔlebɛbo ne Nyamenle bɔle bɛ nrenya nee raalɛ

Edwɛkpa ne kɛmɔ Maake hɛlɛle la 10:15

Bɛhakye ɛhye! Awie biala mɔɔ anyɛ ɔ nwo kɛ kakula, anlie Nyamenle Belemgbunlililɛ ne ando nu la ɛnrɛnwu Nyamenle Belemgbunlililɛ ne.”

Edwɛkpa ne kɛmɔ Luku hɛlɛle la 18:17

Bɛhakye ɛhye, awie biala mɔɔ anyɛ ɔ nwo kɛ kakula anlie Nyamenle Belemgbunlililɛ ne ando nu la ɛnrɛnyia ye.”

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

Wulo 16:19

Awie biala ɛde bɛ nganeɛ wɔ bɛ nɔhalɛlilɛ wɔ Edwɛkpa ne anwo, yemɔti me nye die bɛ nwo kpole kpalɛ. Mekpondɛ kɛ bɛnwu nrɛlɛbɛ wɔ mɔɔ le kpalɛ la anwo na bɛkpɔlɔkpɔla bɛ sa anwo bɔkɔɔ bɛfi ɛtane nwo.

1 Kɔl 13:11

Mekɛ mɔɔ mele kakula la, mendendɛle kɛ kakula, mendwenlenle kɛ kakula, yɛɛ menzuzule edwɛkɛ nwo kɛ kakula. Kɛkala mɔɔ meyɛ kpanyinli la, megyakyi ngakula ninyɛne ne mɔ ɛyɛlɛ.

1 Kɔl 14:19

Noko akee saa yɛyia nuhua kɛ yɛsonle a, menwɔhulo kɛ menwɔha edwɛkɛ agbɔkɛ nnu mɔɔ menli te ɔ bo la, amaa meava meahilehile awie mɔ, tɛla kɛ menwɔha edwɛkɛ agbɔkɛ apenle ngoko bulu wɔ aneɛ ngakyile nu mɔɔ awie ɛnrɛde ɔ bo la.

1 Kɔl 2:6

Ɔle nɔhalɛ kɛ yɛbɔ nrɛlɛbɛ nwo nolo yɛkile bɛdabɛ mɔɔ bɛnyi sunsum nu la. Tɛ ewiade ɛhye anu nrɛlɛbɛ ɛdeɛ ne anwo nolo ɔ, yɛɛ tɛ ewiade tumivolɛma mɔɔ bɛ tumililɛ ne ɛnrɛhyɛ na yeavi bɛ sa la nrɛlɛbɛ ɛdeɛ ne anwo nolo ɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13

kɔdwu kɛ awieleɛ ne, kɛmɔ yɛdie yɛdi na yɛze Nyamenle Ara ne la ati, yɛkɛbɔ nu yɛkɛyɛ ko na yɛayɛ kɛ menli mɔɔ bɛ adwenle ɛdi na bɛ nee Kelaese ɛzɛ atipɛne la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:9

Mesɛlɛ kɛ Nyamenle ɛdo bɛ ɛhulolɛ nu, ɔmaa bɛ nɔhalɛ adwenle nee ndelebɛbo mɔɔ di munli la,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:15

Bɛmaa yɛmɛ mɔɔ yɛnyi sunsum nu la yɛnyia subane zɛhae, na saa bɛ bie mɔ noko lɛ subane ngakyile bie a, Nyamenle ɔdaye ɔbahilehile bɛ yeamaa bɛade ɔ bo.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.