1 Kɔl 14:16 - BAEBOLO ANZƐƐ BULUKU NWUANZANWUANZA

¹⁶ Na saa bɛyɛ Nyamenle mo wɔ sunsum nu ala a, ɛnee kɛ ɔkɛyɛ na awie gyɛne mɔɔ wɔ nyianu ne anu la alie bɛ moyɛlɛ nzɛlɛlɛ ne azo “Amen” ɛ? Ɔngola ɔnyɛ ye zɔhane, ɔluakɛ ɔnde mɔɔ bɛlɛka la abo.

1 Kɔl 14:16 ပူးပေါင်းရင်းမြစ်များ

1 Arl 1:36

Bɛnaya, mɔɔ le Gyɛhɔyada ara ne liele zolɛ, “Amen! Ɛhye ɛyɛ Ɛdɛnkɛma mɔɔ le Nana ɔdaye ye Nyamenle ne anloa edwɛkɛ.

1 Edk 16:36

Bɛye Ɛdɛnkɛma, Yizilayɛ Nyamenle ne ayɛlɛ, bɛye ye ayɛlɛ, ɛnɛ nee dahuu. Na menli ne amuala liele zolɛ “Amen,” na bɛyele Ɛdɛnkɛma ayɛlɛ.

Nihɛmaya Buluku ne 5:13

Akee menyele ɛdanlɛ kodoku ne mɔɔ hye me nze zo la na memkpokpole nuhua na menzele kɛ, “Awie biala mɔɔ yeanli ye ɛwɔkɛ mɔɔ yebɔ la azo la, Nyamenle badu ye avi ye sua nu, alie ye debie biala ɔ sa nu yeamaa yeaha ye kpoholokpo ne ala.” Awie biala mɔɔ wɔ ɛkɛ ne la liele zolɛ, “Amen”, na bɛyele Ɛdɛnkɛma ayɛlɛ. Na mgbanyima ne mɔ noko lile bɛ ɛwɔkɛ ne azo.

Nihɛmaya Buluku ne 8:6

Na Ɛzela zele kɛ, “Bɛye Ɛdɛnkɛma, Nyamenle Bedevinli ne ayɛlɛ.” Menli ne kɔsɔɔti manle bɛ sa zo na bɛliele zolɛ, “Amen, Amen.” Akee bɛbɔle bɛ ti aze na bɛbutubutule bɛ nye aze bɛyeyɛle Ɛdɛnkɛma.

Edwɛndolɛ Buluku ne 106:48

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi tete kɔdwu mekɛ mɔɔ ɛnlɛ awieleɛ. Na menli ne amuala ɛha kɛ “Amen!” Bɛye Ɛdɛnkɛma ayɛlɛ!

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Edwɛndolɛ Buluku ne 72:19

Bɛye ye duma nwuanzanwuanza ne ayɛlɛ dahuu; bɛmaa ye anyunlunyia ɛyi ewiade tɛkɛɛ! Amen. Amen!

Edwɛndolɛ Buluku ne 89:52

Ayɛlɛyelɛ ɛha Ɛdɛnkɛma dahuu! Amen, Amen!

Gyɛlɛmaya Buluku ne 11:5

Na mebali ɛwɔkɛ ne mɔɔ membɔle bɛ ze mɔ kɛ mebava azɛlɛ ne mɔɔ kye aleɛ, mɔɔ kɛkala bɛde zolɛ la meamaa bɛ la azo.” Membuale kɛ, “Ɛdɛnkɛma, maa ɔyɛ zɔhane.”

Gyɛlɛmaya Buluku ne 28:6

“Amen! Ɛdɛnkɛma ɛmaa ɔyɛ zɔhane. Ɛdɛnkɛma ɛmaa edwɛkɛ ne mɔɔ wɔha la ɛyɛ zɔhane, na ɔva ɛzonlenlɛ ninyɛne ne mɔ nee menli mɔɔ bɛhyele bɛ bɛhɔle nlɔnu la kɔsɔɔti ɔrɛla.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:22

Amonle ɛhye ɛdenrɛ ɛ kunlu na ɔmaa ɛwulowula, na wɔ awodeɛ ɛnwoso. “Raalɛ ne ɛlie zolɛ kɛ, ‘Amen, mekponle zolɛ.’

Edwɛkpa ne kɛmɔ Mateyu hɛlɛle la 15:36

Akee ɔvale kpanwo mumua nsuu ne nee fɛlɛ ne, ɔyɛle Nyamenle mo na ɔbubule nuhua ɔvale ɔmanle ɛdoavolɛma ne, na ɛdoavolɛma ne vale manle menli ne lile.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Dw 21:25

Akee ninyɛne dɔɔnwo wɔ ɛkɛ ne mɔɔ Gyisɛse yɛle a. Saa bɛhɛlɛle bɛ muala ngoko ngoko a anrɛɛ menea a nwolɛ mbuluku ɛnrɛzo ewiade ye amuala anu.

Dw 7:15

Ye ngilehilelɛ ne zinle Dwuu mgbanyima ne mɔ anwo kpole manle bɛhanle kɛ, “Na kenlenzu a sonla ɛhye zukoale ye nwoma ye, mɔɔ ɔtɛkɔle sukulu ɛlɛ, noko ɔze debie kpole zɛhae a?”

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

1 Kɔl 11:24

ɔyɛle Nyamenle mo, ɔbule nu, na ɔzele kɛ, “Ɛhye a le me nwonane ne mɔɔ bɛva bɛmaa bɛ la. Bɛyɛ ɛhye bɛva bɛhakye me.”

1 Kɔl 14:14

Ɔluakɛ saa mesɛlɛ adenle zɛhae anu a, ɛnee me sunsum amgba ɛlɛsɛlɛ, noko me adwenle ɛnle nu.

1 Kɔl 14:2

Awie mɔɔ ka aneɛ ngakyile la ɛndendɛ ɛngile menli; ɔtendɛ ɔkile Nyamenle, ɔluakɛ awie biala ɛnde mɔɔ ɔka la abo. Mɔɔ ɔyɛ la a le kɛ ɔdua Nyamenle Sunsum ne tumi zo ɔka fealeranu ninyɛne ne mɔ anwo edwɛkɛ.

1 Kɔl 16:24

Kelaese Gyisɛse ati me ɛhulolɛ nee bɛ muala ɛdɛnla.

2 Kɔl 1:20

ɔluakɛ yemɔ a ɔle Nyamenle ɛwɔkɛ ne mɔ anu “Ɛhɛe” ne a. Ɛhye ati a yɛdua Gyisɛse Kelaese anwo zo yɛka “Amen” ne yɛwula Nyamenle anyunlunyia a.

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 5:14

Na tease abɔdeɛ nna ne liele zo, “Amen.” Na mgbanyima ne mɔ dule guale na bɛzonlenle.

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”