1 Kɔl 14:13 - BAEBOLO ANZƐƐ BULUKU NWUANZANWUANZA

¹³ Zɔhane ati, awie mɔɔ ka aneɛ ngakyile la ɛzɛlɛ kɛ ɔkɛnyia ahyɛlɛdeɛ ne mɔɔ bɛfa bɛkile mɔɔ ɔka la abo la.

1 Kɔl 14:13 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 11:24

Ɛhye ati meka meahile bɛ, saa bɛsɛlɛ bɛabiza debie a, bɛlie bɛli kɛ bɛ sa ɛha ye, na debie biala mɔɔ bɛkɛbiza la, Nyamenle kɛva kɛmaa bɛ.

Ɛzoanvolɛma Gyima ne 1:14

Bɛ muala bɛyia nu dahuu na bɛfa koyɛlɛ bɛ nee mraalɛ ne mɔ yɛɛ Mɛle mɔɔ le Gyisɛse ɔ nli ne nee ɔ mediema mrenya ne mɔ yɛ nzɛlɛlɛ.

Ɛzoanvolɛma Gyima ne 8:15

Bɛhɔle la bɛzɛlɛle Sunsum Nwuanzanwuanza ne bɛmanle diedima ne mɔ.

1 Kɔl 12:10

Nyamenle Sunsum ne maa bie tumi maa ɔyɛ nwanwane ninyɛne yɛɛ ɔmaa bie ahyɛlɛdeɛ mɔɔ ɔfa ɔbɔ Nyamenle edwɛkɛ ne nolo a; ɔmaa bie ɛnyelɛ mɔɔ ɔkola ɔfa ɔnwu ahyɛlɛdeɛ ne mɔ mɔɔ vi Nyamenle Sunsum ne ɛkɛ ne nee mɔɔ ɛnvi ye ɛkɛ ne la. Nyamenle Sunsum ne maa bie tendɛ aneɛ ngakyile, yɛɛ ɔmaa bie noko tumi mɔɔ ɔkola ɔkile mɔɔ bɛka la abo.

1 Kɔl 12:30

anzɛɛ bɛfa bɛyɛ ayile, anzɛɛ bɛfa bɛka aneɛ ngakyile, anzɛɛ bɛfa bɛkile aneɛ ngakyile ne mɔ mɔɔ bɛka la abo a.

1 Kɔl 14:12

Zɔhane ala yɛɛ kɛmɔ bɛ nye ɛbolo kɛ bɛkɛnyia Nyamenle Sunsum nu ahyɛlɛdeɛ ne mɔ bɛkɛdɛla debie biala la, bɛbɔ mɔdenle na bɛnyia ahyɛlɛdeɛ ne mɔ mɔɔ boa maa asɔne ne kɔ ɔ nyunlu la.

1 Kɔl 14:14

Ɔluakɛ saa mesɛlɛ adenle zɛhae anu a, ɛnee me sunsum amgba ɛlɛsɛlɛ, noko me adwenle ɛnle nu.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.