1 Kɔl 14:12 - BAEBOLO ANZƐƐ BULUKU NWUANZANWUANZA

¹² Zɔhane ala yɛɛ kɛmɔ bɛ nye ɛbolo kɛ bɛkɛnyia Nyamenle Sunsum nu ahyɛlɛdeɛ ne mɔ bɛkɛdɛla debie biala la, bɛbɔ mɔdenle na bɛnyia ahyɛlɛdeɛ ne mɔ mɔɔ boa maa asɔne ne kɔ ɔ nyunlu la.

1 Kɔl 14:12 ပူးပေါင်းရင်းမြစ်များ

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

1 Kɔl 12:31

Zɔhane ati bɛmaa bɛ nye ɛbolo bɛkpondɛ ahyɛlɛdeɛ kpalɛ ne mɔ mɔɔ sonle bolɛ na bɛ nwo hyia kpalɛ la. Akee bɛmaa mengile bɛ adenle kpalɛ kpalɛ ne mɔɔ hyia la.

1 Kɔl 12:7

Nyamenle Sunsum ne da ɔ nwo ali wɔ adenle bie anu wɔ yɛ nuhua ko biala nu wɔ yɛ muala yɛ kpalɛ ti.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Kɔl 14:13

Zɔhane ati, awie mɔɔ ka aneɛ ngakyile la ɛzɛlɛ kɛ ɔkɛnyia ahyɛlɛdeɛ ne mɔɔ bɛfa bɛkile mɔɔ ɔka la abo la.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 14:5

Mekulo kɛ anrɛɛ bɛ muala bɛkɛha aneɛ ngakyile ne mɔ bie, noko me kunlu a anrɛɛ eza bɛ muala bɛkola bɛbɔ Nyamenle edwɛkɛ ne nolo kpalɛ. Ɔluakɛ sonla mɔɔ bɔ Nyamenle edwɛkɛ ne nolo la anwo hyia kpalɛ tɛla sonla mɔɔ ka aneɛ ngakyile la, kyesɛ awie wɔ ɛkɛ ne mɔɔ kola kile mɔɔ ɔka la abo a, amaa yeayɛ moalɛ yeamaa asɔnema amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.