1 Kɔl 13:7 - BAEBOLO ANZƐƐ BULUKU NWUANZANWUANZA

⁷ Ɛhulolɛ ɛmkpo aze ɛlɛ; ɔlɛ diedi wɔ debie biala anu, ɔlɛ debie biala anwo anyelazo yɛɛ ye abotane bo ɛndu ɛlɛ.

1 Kɔl 13:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:20

Yemɔti Relahyɛle ati, Gyekɔbo zonlenle ɛvolɛ nsuu, noko mekɛ ne yɛle ɔ nye zo kenle kɛyɛ nsa bie, ɔluakɛ ɛnee ɔkulo Relahyɛle kpole kpalɛ.

Dwobu Buluku ne 13:15

Ɛhɛe, ɔbahu me, menlɛ anyelazo; noko mebahɔha me edwɛkɛ meahile ye.

Edwɛndolɛ Buluku ne 119:66

Maa me nrɛlɛbɛ nee adwenlenubukelɛ, ɔluakɛ medie wɔ mɛla ne mɔ medi.

Mrɛlɛbulɛ Buluku ne 10:12

Ɛkpɔlɛ twehwe konle, na ɛhulolɛ kedɛheda nvonleɛ kɔsɔɔti azo.

Edwɛkpa ne kɛmɔ Mateyu hɛlɛle la 10:22

Me ti, menli kɔsɔɔti bakpɔ bɛ. Noko mɔɔ kɛgyinla kpundii kɛhɔ awieleɛ la, Nyamenle kɛlie ye ngoane.

Edwɛkpa ne kɛmɔ Maake hɛlɛle la 9:23

Gyisɛse zele ye kɛ, “Saa ɛkola a? Sonla mɔɔ lɛ diedi la kola yɛ debie biala.”

Wulo 15:1

Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala.

Wulo 8:24

Anyelazo ɛhye azo yɛɛ ɔlua mɔɔ bɛlie yɛ ngoane a. Na yemɔ a le kɛ, awie ɛmmaa ɔ nye ɛnla debie mɔɔ ɔ nye gyi nwolɛ la azo. Na nwane bɔbɔ yɛɛ kɛmaa ɔ nye kɛla debie mɔɔ ɔ nye gyi nwolɛ la azo a?

1 Kɔl 13:4

Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

1 Kɔl 9:12

Saa awie mɔ bɔbɔ lɛ adenle kɛ bɛdie ɛhye wɔ bɛ lɔ a, ɛnee akee yɛmɛ ɛ? Noko yɛtɛyɛle debie zɛhae mɔ bie. Yɛkponle ninyɛne muala azo, amaa yɛandua Kelaese anwo Edwɛkpa ne ɛhanlɛ adenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2

Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

Mɛla 1:9

Mosisi zele menli ne kɛ, “Mekɛ zɔhane anu menzele bɛ kɛ, ‘Me ngome menrɛhola bɛ nwo zo nea.

Mɛla 22:27

ɔboalekɛ ɔholole kakula raalɛ ne anwo zo wɔ ɛbɔ nu. Saa raalɛ ne mɔɔ awie ɛyia ye la deɛdeanle nuhua bɔbɔ a, anrɛɛ awie ɛnle ɛkɛ ne mɔɔ die ye a.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.

2 Tem 2:24

Ɔnle kɛ Awulae sonvolɛ biala di butule. Ɔwɔ kɛ ɔyɛ atiakunlukɛnlɛma ɔmaa awie biala, na ɔyɛ kilehilevolɛ kpalɛ mɔɔ lɛ abotane a.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.