1 Kɔl 13:5 - BAEBOLO ANZƐƐ BULUKU NWUANZANWUANZA

⁵ ɛhulolɛ ɛnyɛ ninyɛne mgbane mgbane, yɛɛ ɔndendɛ ɛtane ɔntia awie; ɔnle angomedi, ɔnva ɛya yɛɛ ɔmbu ɛtane nwo mgbonda;

1 Kɔl 13:5 ပူးပေါင်းရင်းမြစ်များ

2 Sam 10:3

Amɔn mgbanyima ne hanle hilele Heenɛn kɛ, “Kabezɛ ɛdwenle kɛ ɛ ze ewule ne ati a Devidi ɛzoa menli kɛ bɛrayɛ wɔ gyakɔ a? Ɔnle nɔhalɛ fee. Yezoa bɛ kɛ bɛranlea kɛ suakpole ye si to kɔ la amaa yearaho yeali yɛ nwo zo konim na yeava maanle ne.”

Dwobu Buluku ne 21:27

“Nea, meze bɛ adwenle, nee me nwo adwenle ɛtane mɔɔ bɛlɛ la,

Mrɛlɛbulɛ Buluku ne 14:17

Sonla mɔɔ ye ahonle bikye ye la yɛ ye debie koasea nu, na sonla mɔɔ anye gyi ɔ ti anwo la lɛ abotane.

Ayezaya Buluku ne 3:5

Menli ne basisi bɛ nwo ngoko ngoko; awie biala basisi ɔ gɔnwo anzɛɛ ɔ diema. Mgbavolɛ nee mbɛlɛra bayɛ mgbanyizonle ahile mgbanyinli, yɛɛ kpamgbanvolɛma badu bɛ nwo ahile menli mɔɔ lɛ dibilɛ la.

Gyɛlɛmaya Buluku ne 11:19

Ɛnee mele kɛ boane ralɛ mɔɔ ɛnze nwolɛ bie na bɛ nee ye ɛlɛkɔ ahunleɛ la. Menze kɛ mame a bɛlɛdwenle me nwo adwenle ɛtane la. Ɛnee bɛlɛka kɛ, “Bɛmaa yɛzɛkye baka ne nee ye ma ne mɔ amuala. Bɛmaa yɛpɛ ye yɛvi azɛlɛ ne azo, amaa awie angakye ye bieko.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3

(Nɔhalɛ nu, Mosisi le bɛlɛvolɛ. Ɔle bɛlɛvolɛ ɔtɛla dasanli biala mɔɔ wɔ aleɛabo la.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:15

Mosisi vale ɛya kpole na ɔhanle ɔhilele Ɛdɛnkɛma kɛ, “Mmadie azubɔdeɛ biala mɔɔ menli ɛhye mɔ kɛva kɛra la. Metɛfonle bɛ nuhua biala, yɛɛ metɛfale bɛ asoaso ne mɔ ko bɔbɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:6

Na Mosisi hanle hilele Gaade nee Wulubɛn mbusua ekpunli ne mɔ kɛ, “Ɛnee bɛ mediema ne mɔ ɛhɔ konle nloa na bɛmɛ bɛdɛnla ɛke ɔ?

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Mateyu hɛlɛle la 9:4

Gyisɛse nwunle bɛ adwenle, yemɔti ɔzele bɛ kɛ, “Duzu ati a bɛ adwenle le ɛtane zɛhae a?

Edwɛkpa ne kɛmɔ Maake hɛlɛle la 3:5

Gyisɛse vale ɛya na ɔnleanle bɛ nyunlu ɔyiale, noko eza ɔlile bɛ nwo nyane, ɔluakɛ bɛle menli mɔɔ ɛzua anyetele na bɛ ti yɛ se a. Yemɔti ɔzele nrenya ne kɛ, “Tenrɛ ɛ sa ne anu.” Nrenya ne denrɛle ɔ sa ne mɔɔ ɛdwe la anu, na ɔyɛle kpalɛ bieko.

Edwɛkpa ne kɛmɔ Luku hɛlɛle la 7:39

Mɔɔ Falasiinli ne mɔɔ yiale Gyisɛse la nwunle ɛhye la, ɔhanle ye ɔ ti akunlu kɛ, “Saa amgba nrenya ɛhye le Nyamenle kpɔmanvolɛ a, anrɛɛ ɔkɛnwu raalɛ holɛ ko mɔɔ ɛlɛfa ɔ sa aha ye la, na ɔkɛnwu ye ɛbɛla mgbane mgbane mɔɔ ɔbɔ la.”

1 Kɔl 10:24

Awie biala mmadwenle ɔ ngome ye boɛyɛlɛ nwo. Bɛdwenle bɛ gɔnwo mɔ ɛdeɛ nwo.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 11:18

Mɔɔ lumua, mede kɛ bɛyia nu a ɛnee bɛ avinli ɛkpakyekpakye. Na ɔyɛ medame noko kɛ ɛhye foa ko bie le nɔhalɛ.

1 Kɔl 12:25

Zɔhane ati mgbakyemgbakye biala ɛnle sonlabaka ne anu, yɛɛ nvɛyeba ngakyile ne mɔ amuala dwenle maa bɛ nwo ngoko ngoko.

1 Kɔl 7:36

Saa nrenya bie yia bɛlɛra bie na bɛ mu nwiɔ bɛyɛ bɛ adwenle kɛ bɛnrɛgya bɛ nwo, na nzinlii nrenya ne nwu kɛ debie mɔɔ ɔlɛyɛ bɛlɛra ne la ɛnle kpalɛ, na ɔdaye mumua ne ɔngola ɔ nwo sɔ na ɔnwu kɛ ɔwɔ kɛ bɛgya bɛ nwo a, bɛgya bɛ nwo, kɛmɔ bɛkpondɛ la. Ɔnle ɛtane.

2 Kɔl 5:19

Yemɔ a le kɛ, Nyamenle lua Kelaese anwo zo ɛlɛtwe menli muala ayɛ bɛ ɔ gɔnwo mɔ. Nyamenle ambu bɛ ɛtane ne mɔ anwo mgbonda antia bɛ na yeva edwɛkɛ ne mɔɔ fane kɛ menli si yɛ ɔ gɔnwo mɔ la yewula yɛ sa nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21

Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

2 Tɛs 3:7

Bɛdabɛ bɛze kɛ ɔwɔ kɛ bɛyɛ kɛ mɔɔ yɛyɛle la. Yɛanyɛ mgbovonle wɔ mekɛ mɔɔ yɛ nee bɛ de la.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

2 Tem 4:16

Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.

Gyemise Kɛlata ne 1:19

Mediema kulovolɛma, bɛhakye ɛhye. Ɔwɔ kɛ awie biala tie ɔ nzo anwo, ɔmmatendɛ dɔɔnwo yɛɛ ɔmmafa ɛya.