1 Kɔl 13:4 - BAEBOLO ANZƐƐ BULUKU NWUANZANWUANZA

⁴ Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

1 Kɔl 13:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:1

Mɔɔ Relahyɛle nwunle kɛ ɔ nee Gyekɔbo anwo la, ɔ nye bolole ɔ diema raalɛ ne, na ɔzele Gyekɔbo kɛ, “Maa menwo mralɛ anrɛɛ menwɔwu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:11

Na akee ɔ mediema mrenya ne mɔ anye bolole ɔ nwo na ɔ ze ɛdeɛ, ɔvale edwɛkɛ ne ɔziele ɔ ti anu.

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Edwɛndolɛ Buluku ne 10:5

Mekɛ biala ɔkpazi; wɔ ndɛnebualɛ ne, ɔnde ɔ bo; ɔmemaa ɔ nwo zo ɔkile ye kpɔvolɛma amuala.

Mrɛlɛbulɛ Buluku ne 10:12

Ɛkpɔlɛ twehwe konle, na ɛhulolɛ kedɛheda nvonleɛ kɔsɔɔti azo.

Mrɛlɛbulɛ Buluku ne 13:10

Sonla mɔɔ ɛnde folɛ la mgbanyizonle ne fa ye kɔ ngyegyelɛ nu, na mɔɔ te folɛ la ze nrɛlɛbɛ.

Mrɛlɛbulɛ Buluku ne 17:14

Mgbonde bo ɛbɔlɛ le kɛ azuledukuelɛ, yemɔti twe ɛ nwo kolaa na butule ne abɔ ɔ bo.

Mrɛlɛbulɛ Buluku ne 17:9

Sonla mɔɔ fa ɛtane kyɛ la kpondɛ ɛhulolɛ, na mɔɔ sɔ edwɛkɛ nu a ɔngyakyi la kpakye agɔnwolɛ nu.

Mrɛlɛbulɛ Buluku ne 19:22

Debie mɔɔ bɛkpondɛ wɔ sonla ɛkɛ ne la a le nɔhalɛlilɛ; ehyianli le kpalɛ tɛla sonla mɔɔ le adalɛ la.

Mrɛlɛbulɛ Buluku ne 31:20

Ɔbuke ɔ sa nu ɔmaa ehyianvolɛma, na ɔmaa ɔ sa dwu menli mɔɔ ɛhyia la anwo zo.

Mrɛlɛbulɛ Buluku ne 31:26

Ɔtendɛ nrɛlɛbɛ nu, yɛɛ ye ngilehilelɛ fane kpalɛyɛlɛ nwo.

Nolo 10:4

Saa wɔ belemgbunli fa ɛ nwo ɛya a, mmagyakyi gyima ɛkɛ ne ala; saa ɛsie ɛ nwo diinyi a, wɔannea a wɔ ɛtane mgbole mɔɔ wɔyɛ bɔbɔ la, bɛbava bɛahyɛ wɔ.

Edwɛkpa ne kɛmɔ Mateyu hɛlɛle la 27:18

Ɔluakɛ Paelɛte ze ye wienyi kɛ ɛkpɔlɛ ti yɛɛ menli ne ɛva Gyisɛse ɛrɛlɛ ye a.

Ɛzoanvolɛma Gyima ne 7:9

“Dwosefi anwo yɛle ɔ mediema ne mɔ ɛya na ɔlua zolɛ bɛdɔnenle ye kɛ kanra bɛmanle bɛ nee ye hɔle Yigyibiti, na Nyamenle lile ɔ nzi,

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

1 Kɔl 3:3

ɔluakɛ bɛtɛgua zolɛ bɛtɛbɔ bɛ ɛbɛla kɛ ewiade ɛhye anu amra la. Asoo mɔɔ nungule ɛhwenlɛ nee butulelilɛ ɛnzea bɛ adenle la, ɛnee ɛhye ɛngile kɛ bɛ nee ewiade ɛhye anu amra bɔ bɛ ɛbɛla ko?

1 Kɔl 4:18

Bɛ nuhua bie mɔ ɛlɛtu bɛ nloa anu na bɛdwenle kɛ menrɛra lɔ bieko.

1 Kɔl 4:6

Me mediema, ɔlua bɛ ti yɛɛ meva Apɔlɔso nee medame mumua ne medo edwɛkɛ nwo meha a, amaa bɛazukoa yɛ na bɛanyɛ bɛammaa yeandɛla mɔɔ bɛhɛlɛ bɛdo ɛkɛ ne la. Bɛ nuhua biala mmafa awie ko pɛ ɔ gɔnwo anye zo.

1 Kɔl 5:2

Ɛhye ɛnyɛ bɛ nyiane bɔbɔ? Bɛli nwolɛ nyane na bɛye sonla zɔhane mɔɔ ɛbɔ munzule ɛbɛla ɛhye la wɔ bɛ avinli.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:26

Ɔnle kɛ yɛmemaa yɛ nwo zo, yɛka yɛ gɔnwo mɔ ɛya, na yɛ nye bolo bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:15

Ɔle nɔhalɛ kɛ bie mɔ fa akpule nee aholazilɛ a bɔ Kelaese anwo nolo ne a, yɛɛ bie mɔ noko lɛ adwenle kpalɛ.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

1 Tem 6:4

memaa ɔ nwo zo ala na ɔnze debie biala. Kpolerazulɛ nee edwɛkɛ kpɔkɛ nwo butulelilɛ ɛyɛ ye subane; na ɛhye noko nee nungunlehwenlɛ, manzonle, aholoba ɛbɔlɛ nee menli nwo adwenle ɛtane ɛvalɛ a lua a.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

Gyemise Kɛlata ne 4:5

Bɛmmadwenle kɛ mɔɔ Nyamenle Edwɛkɛ ne ka la le mgbane. Ɔse, “Nyamenle twe ye Sunsum ne mɔɔ yeva yewula yɛ nu la anwo nungule.”

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

2 Pit 1:7

bɛva mediema ɛyɛlɛ bɛboka bɛ nyamenlezonlenlɛ nwo na bɛva ɛhulolɛ bɛboka bɛ mediema ɛyɛlɛ nwo.

1 Dw 4:11

Ayi mɔ, saa Nyamenle ɛhulo yɛ ɛhulolɛ zɛhae a, ɛnee ɔwɔ kɛ yɛdayɛ noko yɛkulo yɛ nwo ngoko ngoko.