1 Kɔl 13:3 - BAEBOLO ANZƐƐ BULUKU NWUANZANWUANZA

³ Saa mefa me nwo ninyɛne muala mekyɛ ehyianvolɛma na mefa me sonlabaka ye memaa kɛ bɛyela ye, na menlɛ ɛhulolɛ a, nvasoɛ biala ɛnle zolɛ.

1 Kɔl 13:3 ပူးပေါင်းရင်းမြစ်များ

Ayezaya Buluku ne 57:12

Nea, meka bɛ tenleneyɛlɛ ne nee bɛ nyɛleɛ ne mɔ meahile bɛ, na bɛkɛnwu kɛ ɔnrɛboa bɛ.

Gyɛlɛmaya Buluku ne 7:8

“Bɛmɛ, bɛdie mɛlɛbɛla edwɛkɛ bɛdi, noko bɛnnyia zolɛ nvasoɛ.

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Edwɛkpa ne kɛmɔ Luku hɛlɛle la 18:22

Gyisɛse dele ɛhye la, ɔzele ye kɛ, “Yeha wɔ debie ko. Tɔne debie biala mɔɔ ɛlɛ la amuala na kyɛ ezukoa ne maa ehyianvolɛma, na ɛkɛnyia anwonyia wɔ Nyamenle anwo lɔ, na akee bɛla badoa me bo zo.”

Edwɛkpa ne kɛmɔ Luku hɛlɛle la 18:28

Na Pita zele kɛ, “Nea o, yɛgyakyi debie biala yɛɛ yɛdoa ɛbo zo o!”

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Dw 12:43

Bɛkulo menli nganvolɛ bɛtɛla Nyamenle nganvolɛ.

Dw 13:37

Pita bizale ye kɛ, “Awulae, duzu ati a menrɛhola wɔ toa kɛkala ɛ? Meziezie me nwo kɛ saa ewule bɔbɔ a menwɔwu menwɔmaa wɔ.”

Dw 15:13

Ɛhulolɛ kpalɛ mɔɔ sonla kɛnyia ye wɔ ɔ gɔnwo mɔ anwo la a le kɛ ɔkɛva ye ngoane ɔkɛdo aze ɔkɛmaa bɛ.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:26

Ɔnle kɛ yɛmemaa yɛ nwo zo, yɛka yɛ gɔnwo mɔ ɛya, na yɛ nye bolo bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.