1 Kɔl 13:13 - BAEBOLO ANZƐƐ BULUKU NWUANZANWUANZA

¹³ Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

1 Kɔl 13:13 ပူးပေါင်းရင်းမြစ်များ

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Edwɛndolɛ Buluku ne 42:11

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, ɔluakɛ mebaye ye ayɛlɛ bieko kɛ, ɔle me boavolɛ nee me Nyamenle.

Edwɛndolɛ Buluku ne 43:5

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, ɔluakɛ mebaye ye ayɛlɛ bieko kɛ, ɔle me boavolɛ nee me Nyamenle.

Edwɛkpa ne kɛmɔ Luku hɛlɛle la 10:27

Nrenya ne buale kɛ “Mɛla ne se, ‘Fa wɔ ahonle muala, wɔ ɛkɛla muala, wɔ anwosesebɛ muala, yɛɛ wɔ adwenle muala kulo Awulae wɔ Nyamenle ne’; na akee ‘Kulo ɛ gɔnwo kɛ ɛdawɔ ɛ nwo.’ ”

Edwɛkpa ne kɛmɔ Luku hɛlɛle la 22:32

Na mezɛlɛ memaa wɔmɔ Saemɔn, amaa wɔ diedi amkpo aze. Na saa ɛsia ɛba me nwo bieko a, si ɛ mediema ne mɔ ahonle.”

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Kɔl 16:14

Bɛva ɛhulolɛ bɛyɛ debie biala mɔɔ bɛyɛ la.

1 Kɔl 3:14

Na saa senle ne angola sua ne mɔɔ awie dole ye wɔ sua ne adiabo ne azo la yela a, mɔɔ zile la kɛnyia nwolɛ ahyɛlɛdeɛ.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

1 Kɔl 8:3

Awie mɔɔ kulo Nyamenle la, Nyamenle ze ye.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

2 Kɔl 5:15

Ɔwule ɔmanle menli muala, amaa bɛdabɛ mɔɔ bɛde ngoane nu la andɛnla ammaa bɛ ngome bɛ nwo, na bɛadɛnla bɛamaa sonla ne mɔɔ bɛ ti a ɔwule na bɛdwazole ye bɛrale ngoane nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:9

Mesɛlɛ kɛ Nyamenle ɛdo bɛ ɛhulolɛ nu, ɔmaa bɛ nɔhalɛ adwenle nee ndelebɛbo mɔɔ di munli la,

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

Kɔlɔ 3:14

Na bɛva ɛhulolɛ bɛboka ɛhye mɔ anwo, na yemɔ yɛɛ kɛmaa bɛkɛli munli a.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

2 Tem 1:7

Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.

Kɛlata mɔɔ bɛhɛlɛle bɛhɔmanle Hibuluma la 10:35

Zɔhane ati bɛmmakpo aze fee, ɔluakɛ ɛhye mɔ amuala, ahatualɛ kpole bie li ɔ nzi.

Kɛlata mɔɔ bɛhɛlɛle bɛhɔmanle Hibuluma la 10:39

Yɛnle menli mɔɔ yɛsia yɛ nzi na yɛminli a. Yɛlɛ diedi, yemɔti yɛlɛ ngoane.

Kɛlata mɔɔ bɛhɛlɛle bɛhɔmanle Hibuluma la 6:11

Yɛ kunlu a anrɛɛ bɛ nuhua ko biala bagyinla kpundii ahɔ awieleɛ, amaa mɔɔ bɛ nye la zolɛ la bɛ sa aha ye.

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Dw 2:10

Awie biala mɔɔ kulo ɔ diema la de wienyi ne anu, yɛɛ debie biala ɛnle ye nu mɔɔ kɛmaa awie kɛdu koti a.

1 Dw 2:14

Egya mɔ, melɛkɛlɛ bɛ, ɔboalekɛ bɛze sonla ne mɔɔ mɔlebɛbo ne ɛnee ɔwɔ ɛkɛ ne la. Mgbavolɛ, melɛkɛlɛ bɛ, ɔboalekɛ bɛlɛ anwosesebɛ, yɛɛ Nyamenle Edwɛkɛ ne de bɛ nu, na bɛli Abɔnsam anwo zo konim.

1 Dw 2:24

Zɔhane ati, bɛmaa mɔɔ mɔlebɛbo ne bɛdele la ɛdɛnla bɛ nu. Saa bɛmaa mɔɔ mɔlebɛbo ne bɛdele la tɛnla bɛ nu a, bɛ nee Ralɛ ne nee Selɛ ne kɛbɔ nu kɛdɛnla.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.

1 Dw 3:9

Awie biala mɔɔ le Nyamenle ara la ɛnyɛ ɛtane, ɔluakɛ Nyamenle su ne wɔ ye nu, na kɛmɔ ɔ Ze a le Nyamenle la, ɔngola ɔnyɛ ɛtane.