1 Kɔl 13:12 - BAEBOLO ANZƐƐ BULUKU NWUANZANWUANZA

¹² Kɛkala, mɔɔ yɛnwu ye la le kɛ nvoninli monzomonzo bie wɔ neanleɛ nu, na kenle bie yɛ nye bayia zo. Kɛkala, mɔɔ meze la ɛnli munli, na kenle bie ɔbali munli, kɛmɔ Nyamenle si ze me la.

1 Kɔl 13:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:30

Gyekɔbo hanle kɛ, “Me nee Nyamenle yɛ nye ɛyɛ nna, noko metɛte ngoane nu.” Yemɔti ɔvɛlɛle ɛkɛ ne Pɛneɛle.

Dwobu Buluku ne 19:26

nzinlii mɔɔ bɛkɛzɛkye me nwonane ye la, mevi nwonane ɛhye anu mebanwu Nyamenle,

Dwobu Buluku ne 36:26

Bɛnlea, Nyamenle le kpole, noko yɛnze ye; ye ɛvolɛ dodo, bɛnrɛnwu ye ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:11

Ɛdɛnkɛma luale adenle zɛhae anu dendɛle hilele Mosisi, kɛmɔ sonla si tendɛ kile ɔ gɔnwo ala la. Saa Mosisi sia ba azokoɛleɛ ɛkɛ ne bieko a, ye sonvolɛ kpavolɛ ne, Nɛn ara nrenya Dwɔhyua ɛnvi Ndanlɛ Sua ne anu fee.

Yizikeɛle Buluku ne 17:2

Ɔse, “Sonla ra, dwenle agyebɛ bie anwo na bu Yizilayɛma ɛrɛlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:8

Yemɔti meye me nwo ali me nee ye yɛ mu nwiɔ yɛtendɛ bɔkɔɔ mɔɔ mendo ye agyiba biala a. Yenwu medame Ɛdɛnkɛma me sɔhovolɛ bɔbɔ. Duzu ati bɔbɔ yɛɛ ɔwɔ kɛ bɛtendɛ bɛtia me sonvolɛ Mosisi a?”

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

Edwɛkpa ne kɛmɔ Mateyu hɛlɛle la 5:8

“Nyilalɛ ɛha bɛdabɛ mɔɔ bɛ ahonle nu te la; Bɛbanwu Nyamenle!

Wulo 8:18

Menea a amaneɛ mɔɔ yɛlɛnwu ye ɛke la kpole ɛnrɛdo kenlebie anyunlunyia mɔɔ yɛbanyia ye la.

1 Kɔl 13:11

Mekɛ mɔɔ mele kakula la, mendendɛle kɛ kakula, mendwenlenle kɛ kakula, yɛɛ menzuzule edwɛkɛ nwo kɛ kakula. Kɛkala mɔɔ meyɛ kpanyinli la, megyakyi ngakula ninyɛne ne mɔ ɛyɛlɛ.

1 Kɔl 8:3

Awie mɔɔ kulo Nyamenle la, Nyamenle ze ye.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

2 Kɔl 5:7

Ɔluakɛ yɛfa diedi a yɛbɔ yɛ ɛbɛla a, na tɛ deɛ mɔɔ ɛnyelɛ nwu ye la ɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:12

Menga kɛ meho medɔ zo anzɛɛ meli munli. Metɛbɔ mɔdenle kɛ me sa kɛha ahyɛlɛdeɛ ne mɔɔ yemɔti Kelaese Gyisɛse ɛva ɔ sa ɛdo me nwo zo la.

Gyemise Kɛlata ne 1:23

Mɔɔ kɛdie edwɛkɛ ne na yeanva yeambɔ ye ɛbɛla la le kɛ sonla mɔɔ nea ɔ nyunlu wɔ neanleɛ nu la.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

Yekile 22:4

Bɛnwu ɔ nyunlu, yɛɛ ye duma wɔ bɛ nwoma azo.