1 Kɔl 13:11 - BAEBOLO ANZƐƐ BULUKU NWUANZANWUANZA

¹¹ Mekɛ mɔɔ mele kakula la, mendendɛle kɛ kakula, mendwenlenle kɛ kakula, yɛɛ menzuzule edwɛkɛ nwo kɛ kakula. Kɛkala mɔɔ meyɛ kpanyinli la, megyakyi ngakula ninyɛne ne mɔ ɛyɛlɛ.

1 Kɔl 13:11 ပူးပေါင်းရင်းမြစ်များ

Nolo 11:10

Bɛye ɛyavalɛ bɛvi bɛ adwenle nu na bɛye anwofofolɛ biala bɛvi bɛ nwonane nu, ɔluakɛ mgbavosɛm nee mbɛlɛrasɛm nee ɛbɛlabɔlɛ nu fɛlɛkolilɛ le debie mgbane.

Edwɛkpa ne kɛmɔ Mateyu hɛlɛle la 16:7

Ɛdoavolɛma ne bɔle ɔ bo kɛ bɛdwenledwenle nwolɛ kɛ, “Ɛnee kpanwo mɔɔ yɛanva yɛamba la ati a ɔlɛka ɛhye a?”

1 Kɔl 13:10

Na saa nuhua ne mɔɔ di munli la ba a, ɔbaminliminli ninyɛne mɔɔ le afoa afoa la abo zo.

1 Kɔl 13:12

Kɛkala, mɔɔ yɛnwu ye la le kɛ nvoninli monzomonzo bie wɔ neanleɛ nu, na kenle bie yɛ nye bayia zo. Kɛkala, mɔɔ meze la ɛnli munli, na kenle bie ɔbali munli, kɛmɔ Nyamenle si ze me la.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:1

Na bɛmaa mengile ɛhye anu bieko; ɔle kɛ kakula mɔɔ ɛli agya la. Mekɛ mɔɔ ɔle kakula la, ɔde ye kɛ asɛɛ ɔle akɛlɛ la wɔ sua nu ɛkɛ, noko ɔdaye a ɔlɛ debie biala mɔɔ wɔ awuke ne anu la a.