1 Kɔl 12:8 - BAEBOLO ANZƐƐ BULUKU NWUANZANWUANZA

⁸ Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 12:8 ပူးပေါင်းရင်းမြစ်များ

Nihɛmaya Buluku ne 9:20

Wɔ kpalɛ ti ɛvale wɔ Sunsum ne ɛhilehilele bɛ, ɛvale mana ɛlile bɛ adane, ɛmanle bɛ nzukpa bɛnlonle.

Dwobu Buluku ne 32:8

Noko sunsum ne mɔɔ wɔ sonla nu, Tumivolɛ ne ɛnwomenle ne yɛɛ maa sonla nyia ndelebɛbo a.

Edwɛndolɛ Buluku ne 143:10

Kilehile me maa menyɛ mɔɔ ɛkulo la, ɔluakɛ wɔmɔ a ɛle me Nyamenle a! Maa wɔ Sunsum kpalɛ ne ɛli me nyunlu, wɔ munzule adenle zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:3

na meva Nyamenle Sunsum ne meyi ye tɛkɛɛ. Memaa ye nrɛlɛbɛ nee ndelebɛbo, adwenle nee adwinli ngakyile muala anwo adwenle,

Mrɛlɛbulɛ Buluku ne 2:6

ɔluakɛ Ɛdɛnkɛma maa nrɛlɛbɛ; ɔdaye yɛɛ ɔmaa adwenle nee ndelebɛbo a.

Ayezaya Buluku ne 50:4

Awulae Nyamenle ɛmaa me ɛnloanlɛ, amaa meahilehile, na meanwu edwɛkɛ kpalɛ mɔɔ meka a ɔkɛmaa mɔɔ anwo ɛbɛlɛ ye la anwosesebɛ a. Nwonlomɔ biala ɔtunwue me, ɔbuke me nzo, amaa meade mɔɔ ɔkilehile me la.

Ayezaya Buluku ne 59:21

Na mame, me ngyekyeleɛ mɔɔ me nee bɛ bayɛ la ɛne: Me Sunsum ne mɔɔ wɔ bɛ nwo zo, nee me edwɛkɛ ne mɔɔ meva medua bɛ nloa la ɛnrɛvi bɛ nee bɛ bo zo amra anloa, ɔvi ɛnɛ mɔɔ kɔ nee melɛ mɔɔ ɛnlɛ awieleɛ. Medame Ɛdɛnkɛma a mese a.”

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 13:8

Ɛhulolɛ ɛmbɔ aze ɛlɛ. Nyamenle anloa azo ɛdendɛlɛ ɛdeɛ, ɔbakpa nwo. Ahyɛlɛdeɛ mɔɔ bɛfa bɛtendɛ aneɛ ngakyile ne mɔ la bazi aze, yɛɛ nwoma ɛnwunlɛ mgbole bapɛ nu aze.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 14:6

Mediema, saa meba bɛ nwo lɔ na mebaka aneɛ ngakyile mekile bɛ a, duzu nvasoɛ a bɛkɛnyia ye bɛkɛvi me ɛkɛ ne a? Bɛnrɛnyia ɛhwee, kyesɛ melɛ yekile bie vi Nyamenle ɛkɛ anzɛɛ deɛnwunlɛ bie anzɛɛ nrɛlaleɛ bie vi Nyamenle lɔ, anzɛɛ ngilehilelɛ bie mebɛlɛ bɛ.

1 Kɔl 2:11

Awie biala ɛnze sonla adwenle kyesɛ ɔdaye mumua ne ye sunsum ne mɔɔ wɔ ye nu la. Zɔhane ala yɛɛ Nyamenle Sunsum ne angome ala a ze Nyamenle adwenle nu a.

1 Kɔl 2:16

Nyamenle Edwɛkɛ ne se, “Nwane a ze Nyamenle ati anu a? Nwane a kola tu ye folɛ a?” Noko yɛmɛ, yɛlɛ Kelaese adwenle ne bie.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 11:6

Saa me nloa yɛɛ ɛtɛtele bɔbɔ a, tɛ nwoma nu ɔ; yɛɛ yɛla ɛhye ali wienyi yɛhile bɛ wɔ ndenle dɔɔnwo nee debie biala anu.

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

2 Kɔl 8:7

Kɛmɔ debie biala anu bɛdi munli, wɔ diedi nu, ɛdendɛlɛ nu, adwenlenubukelɛ nu, bɛ nye mɔɔ ɛkpota bɛ ti anwo kɛ bɛboa, nee ɛhulolɛ mɔɔ bɛlɛ ye wɔ yɛ nwo la, zɔhane ala yɛɛ yɛ nye la kɛ bɛkɛhile bɛ atiakunlukɛnlɛma noko wɔ ɛlolɛ ɛzonlenlɛ ɛhye anu bɛkɛmaa ɔkɛbo zolɛ a.