1 Kɔl 12:31 - BAEBOLO ANZƐƐ BULUKU NWUANZANWUANZA

³¹ Zɔhane ati bɛmaa bɛ nye ɛbolo bɛkpondɛ ahyɛlɛdeɛ kpalɛ ne mɔ mɔɔ sonle bolɛ na bɛ nwo hyia kpalɛ la. Akee bɛmaa mengile bɛ adenle kpalɛ kpalɛ ne mɔɔ hyia la.

1 Kɔl 12:31 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 5:6

“Nyilalɛ ɛha bɛdabɛ mɔɔ bɛ kunlu anu a anrɛɛ bɛkola bɛyɛ mɔɔ Nyamenle kpondɛ la; Nyamenle bamaa bɛ kunlu adwo bɛ nwo!

Edwɛkpa ne kɛmɔ Luku hɛlɛle la 10:42

Debie ko ala a hyia a, na Mɛle ɛkpa nu ɛva mɔɔ le kpalɛ la, na bɛnrɛlie ye ɔ sa nu ɛlɛ.”

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Kɔl 14:39

Zɔhane ati, me mediema, bɛmaa bɛ nye ɛbolo kɛ bɛkɛbɔ Nyamenle edwɛkɛ ne nolo, yɛɛ bɛmmatua aneɛ ngakyile ɛhanlɛ.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Kɛlata mɔɔ bɛhɛlɛle bɛhɔmanle Hibuluma la 11:4

Diedi yɛɛ manle Ebulu bɔle azu kpalɛ mɔɔ sɔ ɛnyelɛ la manle Nyamenle dɛlale Keen a. Ɔlua ye diedi ti Ebulu zɔle Nyamenle anye kɛ ɔle sonla tenlene, ɔluakɛ ye ahyɛlɛdeɛ ne zɔle ɔ nye. Ebulu ɛwu bɔbɔ ɛdeɛ, noko kɛkala ɔlua ye diedi zo ɔtendɛ ɔkile yɛ.