1 Kɔl 12:2 - BAEBOLO ANZƐƐ BULUKU NWUANZANWUANZA

² Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Kɔl 12:2 ပူးပေါင်းရင်းမြစ်များ

Edwɛndolɛ Buluku ne 115:5

Bɛlɛ ɛnloanlɛ, noko bɛndendɛ; bɛlɛ ɛnyelɛ, noko bɛnnwu debie.

Edwɛndolɛ Buluku ne 115:7

Bɛlɛ ɛsalɛ, noko bɛnva bɛnvua debie; bɛlɛ egyakɛ, noko bɛndia; yɛɛ bɛnlɛ ɛnelɛ bɛnva bɛnyɛ alɛra.

Edwɛndolɛ Buluku ne 135:16

Bɛlɛ ɛnloanlɛ, noko bɛndendɛ, bɛlɛ ɛnyelɛ, noko bɛnnwu debie,

Ayezaya Buluku ne 46:7

Bɛkpogya ye zo bɛto bɛ kɔme zo, bɛsoa ye bɛkɔsie ye ɛleka ko, ɛnee ɔgyi ɛkɛ, ɔngola ɔndu ɔ bo ɔnvi ɛleka mɔɔ ɔgyi la. Saa awie su fɛlɛ ye a ɔmbua ye anzɛɛ ɔnlie ye ɔnvi ye amaneɛnwunlɛ nu.

Gyɛlɛmaya Buluku ne 10:5

Abaaba ɛhye mɔ le kɛ ahule nu ananze, bɛngola bɛndendɛ; ɔwɔ kɛ bɛsoa bɛ, ɔboalekɛ bɛngola bɛndia. Bɛmmasulo bɛ, ɔluakɛ bɛngola bɛnyɛ bɛ ɛhwee, yɛɛ bɛngola bɛnyɛ debie kpalɛ.”

Edwɛkpa ne kɛmɔ Mateyu hɛlɛle la 15:14

Bɛgyakyi bɛ! Bɛle mgbanyinli anyenzinliravolɛma mɔɔ kile anyenzinliravolɛma adenle a; anyenzinliravolɛ kile anyenzinliravolɛ adenle a, bɛ mu nwiɔ bɛgua kuma nu!”

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8

Dɛba ne mɔɔ bɛnze Nyamenle la, ɛnee bɛle ngɛkɛlɛ bɛmaa ninyɛne mgbane mgbane mɔɔ ɔnle kɛ bɛsonle bɛ la.

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Pit 1:18

Bɛdabɛ bɛze mɔɔ bɛduale ye wɔ bɛ ti na bɛahola bɛakpɔne bɛ bɛavi bɛ nlenya mɔ ɛbɛla mgbane mgbane ɛbɔlɛ ne anu la. Bɛanva debie mɔɔ ɛngyɛ na yeazɛkye, mɔɔ le kɛ ezukoa nvutuke anzɛɛ dwɛtɛ fufule,

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.