1 Kɔl 12:18 - BAEBOLO ANZƐƐ BULUKU NWUANZANWUANZA

¹⁸ Na kɛ ɔde la a le kɛ Nyamenle hulole yɛɛ ɔvale nvɛyeba ngakyile dɔɔnwo ɔbɔle sonla a.

1 Kɔl 12:18 ပူးပေါင်းရင်းမြစ်များ

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 135:6

Debie biala mɔɔ Ɛdɛnkɛma kulo la yɛɛ ɔyɛ a, wɔ anwuma nee aze, nyevile nu nee buma kɔsɔɔti anu.

Ayezaya Buluku ne 46:10

Medame a mɔlebɛbo ne menganle awieleɛ edwɛkɛ ne na mɔmoane menganle mɔɔ basisi la anwo bie menzele kɛ, ‘Mɔɔ meha la bagyinla ɛkɛ, yɛɛ mebayɛ mɔɔ mehyehyɛ la.’

Dwona Buluku ne 1:14

Zɔhane ati bɛvɛlɛle Ɛdɛnkɛma bɛzele kɛ, “O Ɛdɛnkɛma, yɛsɛlɛ wɔ kpalɛ kpalɛ, mmamaa yɛwu kɛ nrenya ɛhye kɛwu a, yɛɛ mmamaa ye mogya gua yɛ ti zo. Ɔluakɛ, wɔmɔ, O Ɛdɛnkɛma, yɛɛ wɔhyehyɛ wɔyɛ mɔɔ ɛdawɔ ɛkulo la a.”

Edwɛkpa ne kɛmɔ Luku hɛlɛle la 10:21

Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Wulo 12:6

Ɛhye ati ɔwɔ kɛ yɛfa yɛ ahyɛlɛdeɛ ngakyile ne mɔ mɔɔ Nyamenle ɛlolɛ zo yɛnyia bɛ la yɛyɛ gyima. Saa yɛ bie mɔ ahyɛlɛdeɛ a le Nyamenle anloa azo ɛdendɛlɛ a, ɔwɔ kɛ yɛyɛ ye zɔhane, kɛmɔ yɛ diedi ne de la.

1 Kɔl 12:11

Nyamenle Sunsum ko ne ala a yɛ ɛhye mɔ amuala a; Sunsum ko ne ala a maa awie biala ahyɛlɛdeɛ, kɛmɔ ɔdaye (Sunsum ne) ɔkulo la a.

1 Kɔl 12:17

Saa sonlabaka ne kpokpoti le ɛnyelɛ a, kɛ ɔkɛyɛ na yeade edwɛkɛ ɛ? Saa sonlabaka ne kpokpoti le ɛnzolɛ a, kɛ ɔkɛyɛ na yeade nvoanle ɛ?

1 Kɔl 12:19

Saa bɛ muala bɛle debie ko ala a, anrɛɛ bɛnvɛlɛ ye sonlabaka.

1 Kɔl 12:24

Ɔluakɛ nvɛyeba ngɛnlɛma ne mɔ ɛngyia kɛ bɛkɛziezie bɛ dɔɔnwo. Nyamenle ɔdaye a ɔvale nvɛyeba ne mɔ ɔbɔle nu ɔyɛle sonlabaka ne a, amaa bɛali mɔɔ anwo ɛngyia la eni kpalɛ.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 15:38

Nyamenle a maa ma ne baka holɛ ko mɔɔ ɔkulo la a; ɔmaa ma ko biala ati anwo baka kpalɛ.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”