1 Kɔl 12:17 - BAEBOLO ANZƐƐ BULUKU NWUANZANWUANZA

¹⁷ Saa sonlabaka ne kpokpoti le ɛnyelɛ a, kɛ ɔkɛyɛ na yeade edwɛkɛ ɛ? Saa sonlabaka ne kpokpoti le ɛnzolɛ a, kɛ ɔkɛyɛ na yeade nvoanle ɛ?

1 Kɔl 12:17 ပူးပေါင်းရင်းမြစ်များ

Edwɛndolɛ Buluku ne 94:9

Ahenle mɔɔ bɔle ɛnzonlɛ la, ɛnde edwɛkɛ ɔ? Yemɔ mɔɔ ɔbɔle ɛnyelɛ la, ɛnnwu debie ɔ?

Mrɛlɛbulɛ Buluku ne 20:12

Ɛnzonlɛ mɔɔ te edwɛkɛ nee ɛnyelɛ mɔɔ nwu debie, Ɛdɛnkɛma a ɛbɔ bɛ mu nwiɔ a.

1 Kɔl 12:16

yɛɛ saa ɛnzolɛ ka kɛ, “Menle ɛnyelɛ, yemɔti memboka sonlabaka ne anwo” a, ɛnee ɛhye ɛngile kɛ amgba ɔmboka sonlabaka ne anwo.

1 Kɔl 12:18

Na kɛ ɔde la a le kɛ Nyamenle hulole yɛɛ ɔvale nvɛyeba ngakyile dɔɔnwo ɔbɔle sonla a.

1 Kɔl 12:21

Ɛhye ati, ɛnyelɛ ɛngola ɛnga ɛngile ɛsalɛ kɛ, “Ɛ nwo ɛngyia me!” Anzɛɛ etile ɛngola ɛnga ɛngile egyakɛ kɛ, “Ɛ nwo ɛngyia me!”

1 Kɔl 12:29

Bɛ muala bɛnle ɛzoanvolɛma, anzɛɛ Nyamenle kpɔmanvolɛma, anzɛɛ kilehilevolɛma. Bɛ muala bɛnlɛ tumi mɔɔ bɛfa bɛyɛ nwanwane ninyɛne a,

1 Sam 9:9

Sɔɔlo buale ye kɛ, “Wɔ adwenle ne le kpalɛ, maa yɛhɔ.” Yemɔti bɛhɔle suakpole ne mɔɔ Nyamenle sonla ne wɔ zolɛ la azo. Mɔɔ bɛfo boka ne bɛahɔ sua ne azo la, bɛ nee mbɛlɛra bie mɔɔ ɛlɛkɔ azule la yiale. Bɛbizale mbɛlɛra ne mɔ kɛ, “Sonla ne mɔɔ nwu Nyamenle ɛhulolɛdeɛ la wɔ ɛkɛ ɔ?” (Mekɛ ne anu, wɔ Yizilayɛ maanle nu ɛnee bɛfɛlɛ Nyamenle kpɔmanvolɛma “Sonla mɔɔ nwu Nyamenle ɛhulolɛdeɛ la.” Yemɔti mekɛ biala mɔɔ awie kpondɛ abiza Nyamenle edwɛkɛ la ɛnee ɔse, “Maa yɛhɔ sonla ne mɔɔ nwu Nyamenle ɛhulolɛdeɛ la” ɛkɛ.)