1 Kɔl 12:12 - BAEBOLO ANZƐƐ BULUKU NWUANZANWUANZA

¹² Kɛmɔ sonlabaka ne le ko na ye nvɛyeba ne mɔ zonle, na biala le ngakyile la, zɔhane ala yɛɛ Kelaese de a.

1 Kɔl 12:12 ပူးပေါင်းရင်းမြစ်များ

1 Kɔl 10:17

Kɛmɔ kpanwo ne mɔɔ yɛbubu la le ko la, saa yɛle dɔɔnwo bɔbɔ a yɛle sonlabaka ko, ɔluakɛ yɛ muala yɛkyɛ kpanwo ko ne ala.

1 Kɔl 12:20

Na kɛ ɔde la a le kɛ sonlabaka ne lɛ nvɛyeba dɔɔnwo, noko ɔle sonlabaka kokye.

1 Kɔl 12:27

Kelaese sonlabaka ne a le bɛ muala, yɛɛ bɛ nuhua ko biala le ye nvɛyeba ne mɔ bie.

1 Kɔl 12:7

Nyamenle Sunsum ne da ɔ nwo ali wɔ adenle bie anu wɔ yɛ nuhua ko biala nu wɔ yɛ muala yɛ kpalɛ ti.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:16

Nyamenle bɔle ɛwɔkɛ ne manle Ebileham nee ye anlɔnra. Nyamenle Edwɛkɛ ne ɛnga kɛ “ye nlɔnra,” mɔɔ kile kɛ nlɔnra ne mɔ zonle a. Ɔse “ye anlɔnra,” mɔɔ kile anlɔnra kokye, na anlɔnra ɛhye, yemɔ a le Kelaese.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:23

Asɔne ne a le Kelaese sonlabaka ne yɛɛ Kelaese a maa asɔne ne di munli kɛ ɔdaye Kelaese la a; ɔdaye ala a eza ɔmaa debie biala mɔɔ wɔ aleɛabo la di munli a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:12

Ɔyɛle ɛhye ɔvale ɔzieziele Nyamenle menli kɔsɔɔti ɔmanle Keleseɛn ɛzonlenlɛ gyima ne, amaa bɛayɛ Kelaese asɔnema

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:4

Asɔne ko yɛɛ Sunsum ko a wɔ ɛkɛ a, yɛɛ anyelazo ko anu a Nyamenle ɛvɛlɛ bɛ a;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:23

Ɔluakɛ kunli ne a lɛ tumi wɔ ɔ ye anwo zo a, kɛmɔ Kelaese lɛ Asɔne ne azo tumi la; asɔne ne a le Kelaese sonlabaka ne yɛɛ Kelaese a le asɔne ne Ngoanedievolɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:30

ɔluakɛ yɛle ye sonlabaka ne nvɛyeba ne mɔ bie.

Kɔlɔ 1:18

Yemɔ a ɔle ye sonlabaka ne, mɔɔ le Asɔne ne ati a, yemɔ a ɔle debie biala mɔlebɛbo a, yɛɛ yemɔ a ɔle bɛdabɛ mɔɔ bɛdwazole bɛ bɛvile ewule nu la kpanyinli a, amaa debie biala anu yealumua.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 2:19

Menli zɔhane mɔ ɛkpo kɛ bɛnrɛdoa Kelaese mɔɔ le Asɔne ne ati la. Kelaese a le Asɔne ne, mɔɔ le ye sonlabaka ne. Ɔdi ye adane, ɔkuohua ye ɔmaa ɔnyi, kɛmɔ Nyamenle kpondɛ ye ala la.

Kɔlɔ 3:15

Bɛmaa Kelaese anzonudwolɛ ne mɔɔ ɔmaa bɛ la ɛvinde bɛ kpɔkɛbɔlɛ nu, ɔluakɛ Nyamenle ɛvɛlɛ bɛ muala wɔ asɔne ye anu kɛ bɛdɛnla anzonudwolɛ nu. Bɛnwu nyele.