1 Kɔl 12:11 - BAEBOLO ANZƐƐ BULUKU NWUANZANWUANZA

¹¹ Nyamenle Sunsum ko ne ala a yɛ ɛhye mɔ amuala a; Sunsum ko ne ala a maa awie biala ahyɛlɛdeɛ, kɛmɔ ɔdaye (Sunsum ne) ɔkulo la a.

1 Kɔl 12:11 ပူးပေါင်းရင်းမြစ်များ

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Edwɛkpa ne kɛmɔ Mateyu hɛlɛle la 11:26

Ɛhɛe, Egya, ɛnee kɛ ɛkpondɛ kɛ ɔba ye la ɛne.

Edwɛkpa ne kɛmɔ Mateyu hɛlɛle la 20:15

Ɛkpondɛ wɔaze kɛ menlɛ adenle kɛ mefa me ezukoa meyɛ mɔɔ medame mekulo la ɔ? Anzɛɛ ɔyɛ wɔ anyebolo kɛ me ti akunlu le kpalɛ la ɔ?’ ”

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Dw 3:8

Anwoma ne bɔ kɔ ɛleka mɔɔ ɔkulo la; ɛte ɔ ne, na ɛnze ɛleka mɔɔ ɔvi ɔba a, yɛɛ ɛnze ɛleka mɔɔ ɔkɔ a. Zɔhane ala yɛɛ awie biala mɔɔ bɛkɛwo ye Sunsum nu la de a.”

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Wulo 12:6

Ɛhye ati ɔwɔ kɛ yɛfa yɛ ahyɛlɛdeɛ ngakyile ne mɔ mɔɔ Nyamenle ɛlolɛ zo yɛnyia bɛ la yɛyɛ gyima. Saa yɛ bie mɔ ahyɛlɛdeɛ a le Nyamenle anloa azo ɛdendɛlɛ a, ɔwɔ kɛ yɛyɛ ye zɔhane, kɛmɔ yɛ diedi ne de la.

Wulo 9:18

Yemɔti, Nyamenle ɔdaye ye ɛhulolɛdeɛ zo ɔse bie anwunvɔne yɛɛ ɔmaa bie noko yɛ anzosesebɛ.

1 Kɔl 12:18

Na kɛ ɔde la a le kɛ Nyamenle hulole yɛɛ ɔvale nvɛyeba ngakyile dɔɔnwo ɔbɔle sonla a.

1 Kɔl 12:4

Sunsum nu ahyɛlɛdeɛ ne mɔ le ngakyile dɔɔnwo, noko Nyamenle Sunsum ko ne ala a fa maa a.

1 Kɔl 12:6

Anwosesebɛ mɔɔ bɛfa bɛyɛ gyima ngakyile dɔɔnwo la wɔ ɛkɛ, noko Nyamenle ko ne ala a maa awie biala anwosesebɛ maa ɔfa ɔsonle a.

1 Kɔl 7:17

Awie biala ɛlua ahyɛlɛdeɛ mɔɔ Nyamenle ɛva ɛlo ye la azo ɛdɛnla kɛmɔ ɛnee ɔde mɔɔ Nyamenle vɛlɛle ye la. Ɛhye yɛɛ mehyehyɛ memaa asɔne ne mɔ amuala a.

1 Kɔl 7:7

Me kunlu a anrɛɛ bɛ muala bɛle kɛ mɔɔ mede la; noko Nyamenle ɛmaa awie biala ɔ ti anwo ahyɛlɛdeɛ, asolo biala ɛdeɛ.

2 Kɔl 10:13

Na yɛmɛ, yɛnrɛmemaa yɛ nwo zo yɛnrɛmaa ɔnrɛbo zolɛ. Yɛmemaa yɛ nwo zo a, yɛmemaa ye wɔ gyima ne mɔɔ Nyamenle ɛva ɛzie yɛ nyunlu la anwo, kɛ yɛrali ye gyima wɔ bɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:7

Bɛmaa yɛ nuhua ko biala ahyɛlɛdeɛ mɔɔ sonle bolɛ na ɔla mɔɔ Kelaese ɛzuzu ɛva ɛmaa ye la anwo.

Kɛlata mɔɔ bɛhɛlɛle bɛhɔmanle Hibuluma la 2:4

Mekɛ ko ne ala Nyamenle ɔdaye ɔlile daselɛ ɔvoale bɛ ɛdeɛ ne azo, na ɔvale Sunsum Nwuanzanwuanza nu ahyɛlɛdeɛ ɔmanle bɛ, ɔmanle bɛyɛle nwanwane ninyɛne, kɛmɔ ye ɛhulolɛdeɛ ne de la.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.