1 Kɔl 11:5 - BAEBOLO ANZƐƐ BULUKU NWUANZANWUANZA

⁵ Raalɛ biala noko mɔɔ ɛlɛyɛ nzɛlɛlɛ anzɛɛ ɛlɛka Nyamenle edwɛkɛ na yeangeda ɔ ti zo la gua ɔ hu anyunlu aze; ngakyile biala ɛnle ye nee raalɛ mɔɔ bɛkpa ɔ ti la avinli.

1 Kɔl 11:5 ပူးပေါင်းရင်းမြစ်များ

Ayezaya Buluku ne 47:2

Fa ɛdibolɛ ne na ti ɛdɔkɛ ne, ye ɛ ti zo aguzo ne; kpa gua maa ɛ gyakɛ anwo ɛla ɛkɛ, na wudwu azule ne mɔ.

Edwɛkpa ne kɛmɔ Luku hɛlɛle la 2:36

Nyamenle kpɔmanvolɛ raalɛ bie noko wɔ ɛkɛ ne, bɛfɛlɛ ye Ana. Raalɛ ɛhye, bɛfɛlɛ ɔ ze Fanuwɛle, ɔvi Ahya abusua nu. Raalɛ ɛhye hɔle agyalɛ la ye ɛvolɛ nsuu ne azo yɛɛ ɔ hu wule a, na kɛkala yeyɛ kpanyinli kpalɛ, na yeyɛ kunlanvolɛ ɛvolɛ abulatwɛ nee nna. Ɔ gyakɛ amkpa Ɛzonlenlɛ Sua ne anu ɛlɛ; dahuu ɔvale ɛhɔnehyelɛ nee nzɛlɛlɛ ɔzonlenle ye Nyamenle nɔɔzo nee ewiazo.

Ɛzoanvolɛma Gyima ne 2:17

‘Nyamenle se, mɔɔ mebayɛ wɔ mekɛ mɔɔ li awieleɛ la ɛne. Mebamaa me Sunsum ne ara menli muala anwo zo. Na bɛ mra mrenya nee mraalɛ baha Nyamenle nrɛlaleɛ. Bɛ mgbavolɛ banwu ɛnyelɛzodeɛnwunlɛ, na bɛ mrenya mgbanyinli aha ɛlalɛ.

Ɛzoanvolɛma Gyima ne 21:9

Ɔlɛ mralɛ mraalɛ nna mɔɔ ɛtɛkɔle agyalɛ ɛlɛ la wɔ ɛkɛ, bɛle Nyamenle kpɔmanvolɛma.

1 Kɔl 11:4

Yemɔti nrenya biala mɔɔ ɛlɛyɛ nzɛlɛlɛ anzɛɛ ɛlɛka Nyamenle edwɛkɛ ne na ɔkɛheda ɔ ti zo la gua Kelaese anyunlu aze.

1 Kɔl 11:6

Saa raalɛ ne ɛnrɛheda ɔ ti zo a, ɛnee ɔwɔ kɛ ɔpepɛ anzɛɛ ɔkpa ɔ ti enrinli ne. Na saa ɔyɛ ye zɔhane na ɔyɛ ye anyiemgba a, ɛnee noko ɔwɔ kɛ ɔkeda zo.

1 Kɔl 14:34

mraalɛ ɛmua bɛ nloa wɔ asɔne nyianu ne mɔ anu. Bɛnlɛ adenle kɛ bɛkɛdendɛ, kɛmɔ Dwuuma mɛla ne se la, ɔwɔ kɛ bɛboa mrenya ne mɔ abo.

Mɛla 21:12

ɛnee fa ye kɔ sua nu, maa ɔkpa ɔ ti na ɔpepɛ ɔ sa nee ɔ gyakɛ ati.