1 Kɔl 11:4 - BAEBOLO ANZƐƐ BULUKU NWUANZANWUANZA

⁴ Yemɔti nrenya biala mɔɔ ɛlɛyɛ nzɛlɛlɛ anzɛɛ ɛlɛka Nyamenle edwɛkɛ ne na ɔkɛheda ɔ ti zo la gua Kelaese anyunlu aze.

1 Kɔl 11:4 ပူးပေါင်းရင်းမြစ်များ

2 Sam 15:30

Devidi vole hɔle Ɔlivi Boka ne azo. Ɔkɔ la ɛnee ɔlɛsu, ɔ gyakɛ gua aze na yeheda ɔ ti zo, na bɛdabɛ mɔɔ bɛ nee ye lua la noko hedɛhedale bɛ ti zo. Bɛhɔle boka ne azo; bɛkɔ la ɛnee bɛlɛsu.

2 Sam 19:4

Belemgbunli ne hedale ɔ nye na ɔdukuele nuhua ɔzunle kɛ, “O me ra Abesalɛm, O Abesalɛm, me ra ye o!”

Maeka Buluku ne 7:6

ɔluakɛ ralɛ nrenya ɛmbu selɛ bie, ralɛ raalɛ dwazo ninli anwo zo, yɛɛ raalɛ mɔɔ wɔ agyalɛ la dwazo ɔ hu ɔ nli anwo zo; sonla kpɔvolɛma a le ɔdaye ye sua nu amra.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

1 Kɔl 11:14

Aloa bɔle la enrinli ndendenle gua nrenya nyunlu aze,

1 Kɔl 11:5

Raalɛ biala noko mɔɔ ɛlɛyɛ nzɛlɛlɛ anzɛɛ ɛlɛka Nyamenle edwɛkɛ na yeangeda ɔ ti zo la gua ɔ hu anyunlu aze; ngakyile biala ɛnle ye nee raalɛ mɔɔ bɛkpa ɔ ti la avinli.

1 Kɔl 12:10

Nyamenle Sunsum ne maa bie tumi maa ɔyɛ nwanwane ninyɛne yɛɛ ɔmaa bie ahyɛlɛdeɛ mɔɔ ɔfa ɔbɔ Nyamenle edwɛkɛ ne nolo a; ɔmaa bie ɛnyelɛ mɔɔ ɔkola ɔfa ɔnwu ahyɛlɛdeɛ ne mɔ mɔɔ vi Nyamenle Sunsum ne ɛkɛ ne nee mɔɔ ɛnvi ye ɛkɛ ne la. Nyamenle Sunsum ne maa bie tendɛ aneɛ ngakyile, yɛɛ ɔmaa bie noko tumi mɔɔ ɔkola ɔkile mɔɔ bɛka la abo.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Tɛs 5:20

bɛmmakpo Nyamenle nrɛlaleɛ kpalɛ biala.