1 Kɔl 11:23 - BAEBOLO ANZƐƐ BULUKU NWUANZANWUANZA

²³ Ngilehilelɛ ne mɔɔ menyianle ye menvile Awulae lɔ la a menvale memanle bɛ a, yemɔ a le kɛ, nɔe ne mɔɔ bɛyele Awulae Gyisɛse bɛmanle la, ɔvale kpanwo,

1 Kɔl 11:23 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 26:17

Angye Ɛvoyia ne kenle ne mɔɔ lumua la anu, Gyisɛse ɛdoavolɛma ne rabizale ye kɛ, “Nienwu a ɛkulo kɛ yɛsiezie Akpabɛnwo Ɛvoyia aleɛ ne yɛmaa wɔ a?”

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Mateyu hɛlɛle la 26:34

Gyisɛse zele ye kɛ, “Kakye ɛhye, ɛnɛ nɔe, toonwo mɔɔ akɔlɛ kabɔ la, ɛnee wɔha ye fane nsa kɛ ɛnze me!”

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Luku hɛlɛle la 22:17

Akee Gyisɛse vale dwora ne, ɔyɛle Nyamenle mo, na ɔzele kɛ, “Bɛlie ɛhye bɛnlo.

Ɛzoanvolɛma Gyima ne 20:7

Dapɛne ne anu kenle ne mɔɔ lumua la nɔsolɛ nu, yɛyiale nu yɛlile Awulae aleɛ ne, na Pɔɔlo dendɛle hilele diedima ne mɔ, ɔluakɛ ɛnee ye alehyenlɛ nu ɔbahɔ, na ɔhɔle zolɛ ɔdendɛle dedee alevinli mu nwiɔ avinli.

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

1 Kɔl 15:3

Edwɛkɛ ne mɔɔ menvale membɛlɛle bɛ la le edwɛkɛ mɔɔ hyia kpalɛ. Yɛ ɛtane ti yɛɛ Kelaese wule a, kɛmɔ Nyamenle Edwɛkɛ ne kile la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:1

Medame Pɔɔlo, mɔɔ Gyisɛse Kelaese nee Nyamenle Selɛ ne mɔɔ dwazole ye vile mɔwuamra anu la ɛvɛlɛ me kɛ menyɛ ɛzoanvolɛ, na tɛ menli a ɛhyehyɛ ɛyɛ me bɛ ɛzoanvolɛ la a melɛkɛlɛ kɛlata ɛhye a.

Mɛla 4:5

“Bɛnlea, mehilehile bɛ mɛla nee ngyehyɛlɛ ne mɔ, kɛmɔ Ɛdɛnkɛma me Nyamenle ne vale manle me la, amaa bɛayɛ ye zɔhane wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo.

Kɔlɔ 3:24

Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

1 Tɛs 4:2

Ɔluakɛ bɛdabɛ bɛze ngilehilelɛ mɔɔ ɔlua Awulae Gyisɛse tumi zo yɛvale yɛmanle bɛ la.