1 Kɔl 11:22 - BAEBOLO ANZƐƐ BULUKU NWUANZANWUANZA

²² Duzu ati ɔ? Bɛnlɛ bɛ azua nu mɔɔ bɛdi na bɛno ɔ? Anzɛɛ bɛmbu Nyamenle menli ne bie na bɛkulo kɛ bɛgua ehyianvolɛma mɔɔ wɔ bɛ avinli la anyunlu aze ɔ? Duzu edwɛkɛ a menga mengile bɛ wɔ ɛhye anwo a? Menganvo bɛ ɔ? Kyɛkyɛ! Meyɛ ye zɔhane a ɔnrɛyɛ boɛ!

1 Kɔl 11:22 ပူးပေါင်းရင်းမြစ်များ

Mrɛlɛbulɛ Buluku ne 17:5

Sonla mɔɔ si ehyianvolɛma amgbu la tindi ye Bɔvolɛ ne anyunlu, yɛɛ mɔɔ anye die munzule nwo la ɛnrɛva ɔ nwo dwɔɔ.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 11:17

Ɛhye mɔɔ melɛka la ɛnle bɛ ɛhanvolɛ, ɔluakɛ bɛ ɛzonlenlɛ nyianu ne mɔ ɛnwie kɛnlɛma yɛ.

1 Kɔl 11:2

Mekanvo bɛ, ɔluakɛ dahuu bɛkakye me na bɛdi me ngilehilelɛ zo.

1 Kɔl 11:34

Saa ɛhɔne ɛlɛku bie a, ɔlumua ɔli debie wɔ sua nu, amaa bɛbayia nu a Nyamenle andea bɛ. Mɔɔ fane edwɛkɛ ne mɔ mɔɔ ɛha la anwo, meba a mebaha nwolɛ bie.

1 Kɔl 15:9

Ɔluakɛ medame a mele ɛzoanvolɛma ne mɔ anu ekyi kpalɛ kpalɛ, mɔɔ menfɛta kɛ bɛkɛvɛlɛ me ɛzoanvolɛ a, ɔboalekɛ menyɛle Nyamenle menli ne kpɔdekpɔde.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

1 Tem 3:5

Awie mɔɔ ɛngola ɛmbu ɔdaye ye awuke la, kɛ ɔkɛyɛ na yeahola yeanlea Nyamenle asɔne ne azo ɛ?