1 Kɔl 11:2 - BAEBOLO ANZƐƐ BULUKU NWUANZANWUANZA

² Mekanvo bɛ, ɔluakɛ dahuu bɛkakye me na bɛdi me ngilehilelɛ zo.

1 Kɔl 11:2 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

1 Kɔl 11:17

Ɛhye mɔɔ melɛka la ɛnle bɛ ɛhanvolɛ, ɔluakɛ bɛ ɛzonlenlɛ nyianu ne mɔ ɛnwie kɛnlɛma yɛ.

1 Kɔl 11:22

Duzu ati ɔ? Bɛnlɛ bɛ azua nu mɔɔ bɛdi na bɛno ɔ? Anzɛɛ bɛmbu Nyamenle menli ne bie na bɛkulo kɛ bɛgua ehyianvolɛma mɔɔ wɔ bɛ avinli la anyunlu aze ɔ? Duzu edwɛkɛ a menga mengile bɛ wɔ ɛhye anwo a? Menganvo bɛ ɔ? Kyɛkyɛ! Meyɛ ye zɔhane a ɔnrɛyɛ boɛ!

1 Kɔl 15:2

Saa bɛsɔ nu ɛsesebɛ a bɛkɛnyia ngoane mɔɔ ɛnlɛ awieleɛ; kyesɛ bɛanlie bɛanli.

1 Kɔl 4:17

Ɛhye ala ati a melɛsoa Temɔte, mɔɔ le me ra mɔɔ mekulo ye, na Awulae ati ɔdi nɔhalɛ la wɔ bɛ nwo lɔ a. Ɔbahakyehakye bɛ ɛbɛla ɛbɔlɛ fofolɛ ndenle ne mɔ mɔɔ Kelaese ati melua nu melɛkilehile asɔne ne mɔ mɔɔ wɔ ɛleka biala la.

1 Kɔl 7:17

Awie biala ɛlua ahyɛlɛdeɛ mɔɔ Nyamenle ɛva ɛlo ye la azo ɛdɛnla kɛmɔ ɛnee ɔde mɔɔ Nyamenle vɛlɛle ye la. Ɛhye yɛɛ mehyehyɛ memaa asɔne ne mɔ amuala a.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 3:6

Kɛkala, Temɔte vi bɛ nwo lɔ ɛzia ɛra yɛ nwo ɛke, na yeva amaneɛ fɛlɛko mɔɔ fane bɛ diedi nee ɛhulolɛ nwo la yerabɔ yɛ. Yeha yehile yɛ kɛ dahuu bɛdwenle yɛ nwo adwenle kpalɛ, yɛɛ bɛ nwo dɔ yɛ, kɛmɔ yɛdayɛ yɛ nwo dɔ bɛ la.

2 Tɛs 2:15

Yemɔti mediema, bɛgyinla kpundii na bɛzɔ nɔhalɛ ne mɔɔ yɛha nwolɛ edwɛkɛ wɔ yɛ nolobɔlɛ nu nee ngɛlata zo yɛhile bɛ la anu ɛsesebɛ.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.