1 Kɔl 10:6 - BAEBOLO ANZƐƐ BULUKU NWUANZANWUANZA

⁶ Ninyɛne ɛhye mɔ le kɔkɔbɔlɛ maa yɛ, na bɛbɔ yɛ kɔkɔ amaa yɛ ti akunlu amba ninyɛndane ɛyɛlɛ zo, kɛmɔ bɛ bie mɔ yɛle la,

1 Kɔl 10:6 ပူးပေါင်းရင်းမြစ်များ

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:4

Ɛnee nyɛvolɛ bie nee Yizilayɛma a ɛlɛtu adenle ne a. Bɛ ti akunlu rale nane ɛlilɛ zo kpole kpalɛ. Yizilayɛma bɔbɔ dendɛle bɛ nzo abo hanle kɛ, “Saa yɛnyia nane yɛali a anrɛɛ ɔle kpalɛ.

Wulo 5:14

Noko ɔvi Adam anwo zo toonwo mɔɔ radwule Mosisi anwo zo la, ewule nyianle sonla nwo zo tumi, bɔbɔ menli mɔɔ bɛ ɛtane ne mɔ ɛnle kɛ Adam mɛladonlɛ ɛdeɛ ne la. Adam le sonla ko ne mɔɔ ɔwɔ kɛ ɔba la sɔhovolɛ.

1 Kɔl 10:11

Ninyɛne ɛhye mɔ sisile bɛ nwo zo, amaa yeayɛ kɔkɔbɔlɛ yeamaa awie mɔ, yɛɛ bɛhɛlɛle kɛ bɛfa bɛahilehile yɛ, ɔluakɛ ewiade ne awieleɛ mekɛ a yɛwɔ nu la.

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

2 Pit 2:6

saa Nyamenle anvavi na ɔdeanle azuamgbole Sodɔm nee Gomɔla, ɔvale senle ɔzɛkyele bɛ, ɔhilele kɛ kenle bie bɛdabɛ mɔɔ bɛngulo Nyamenle la kɛzi kɛwie ye la,

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.