1 Kɔl 10:4 - BAEBOLO ANZƐƐ BULUKU NWUANZANWUANZA

⁴ bɛnlonle sunsum nu nzule ko ne ala. Ɔluakɛ bɛ muala bɛnlonle nzule ne mɔɔ vi sunsum nu bodane ne anu vindele zenle lile bɛ nzi la bie; bodane zɔhane a le Kelaese mumua ne.

1 Kɔl 10:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:12

Na Dwosefi buale kɛ, “Wɔ ɛlalɛ ne abo ɛne: vanye ngane nsa ne kile kenle nsa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:26

Nlankɛ mgbole nsuu ne kile ɛvolɛ nsuu, yɛɛ abɛlɛ mbaka mgbole nsuu ne kile ɛvolɛ nsuu. Bɛ mu nwiɔ bɛ bo le kokye.

Edwɛndolɛ Buluku ne 105:41

Ɔkpukele bolɛ, na nzule vi nu vindele; ɔzenle ɛsɛlɛ ne azo kɛ azule.

Edwɛndolɛ Buluku ne 78:15

Ɔkpukele bodane wɔ fienemgbole ne anu na ɔmanle bɛ nzule dɔɔnwo kɛ buma nu nzule la bɛnlonle.

Edwɛndolɛ Buluku ne 78:20

Ɔbɔle bolɛ ne ɔmanle nzule vi nu vindele, na azudenle yile bule aze. Asoo eza ɔkɛhola ɔkɛmaa yɛ aleɛ, anzɛɛ ɔkɛmaa ye menli ne nane bɛkɛli?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:6

Nea, mebagyinla bodane bie azo wɔ ɛ nyunlu wɔ Saenae Boka; ɛbava wɔ kpɔma ne wɔabɔ bolɛ ne, na nzule vi nu bara, amaa menli ne anyia bie anlo.” Na Mosisi yɛle ye zɔhane wɔ Yizilayɛ mgbanyima ne mɔ anyunlu.

Ayezaya Buluku ne 43:20

Nanemgbole bali me eni, ɛzonlɛ nee soholo ne mɔ kɔsɔɔti, ɔluakɛ memaa nzule finde fienemgbole nu, yɛɛ memaa azule da ɛsɛlɛ zo, amaa me menli ne mɔɔ mekpa nu meye bɛ, me menli ne mɔɔ mebɔ bɛ memaa me nwo la, anyia bie anlo na bɛaye me ayɛlɛ.”

Ayezaya Buluku ne 48:21

Mekɛ mɔɔ ɔ nee bɛ lua ɛsɛlɛ ne azo la, nzuhɔne angu bɛ ɛlɛ; ɔmanle nzule vi bodane nu vindele zenle manle bɛ, ɔkpukele bolɛ ne na nzule vi nu vindele.

Daneɛle Buluku ne 2:38

Ɛ sa nu yɛɛ yeva menli kɔsɔɔti mɔɔ wɔ azɛlɛ ye azo, nane, yɛɛ nloma yewula a, kɛ ɛzie bɛ. Nana, wɔmɔ a ɛle ezukoa nvutuke etile ne a.

Daneɛle Buluku ne 7:17

Ɔse, ‘Nane mgbole nna ɛhye gyi ɛkɛ maa arelemgbunli nna mɔɔ bara aleɛabo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:11

Akee Mosisi manle ɔ sa zo na ɔvale ye kpɔma ne ɔfinle bodane ne fane nwiɔ, na nzule vi nuhua rale dɔɔnwo manle menli ne nee bɛ nyɛmoa ne mɔ nlonle bie.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 7:37

Kenle mɔɔ li awieleɛ wɔ ɛvoyia ne ɛlilɛ nu la hyia kpole. Kenle ko zɔhane Gyisɛse dwazole na ɔhanle ye kpole kpalɛ kɛ, “Mɔɔ nzuhɔne ɛlɛku ye la ɛrɛla me ɛkɛ ɛranlo nzule.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:25

Yemɔti Heega gyi ɛkɛ maa Boka Saenae mɔɔ wɔ Areleebea la, na yemɔ a le ɛnɛ mekɛ ye suakpole Gyɛlusalɛm. Ɔ nee menli mɔɔ wɔ zolɛ la amuala wɔ akɛlɛ ɛzonlenlɛ bo.

Mɛla 9:21

Akee menvale munzudeɛ ne, mɔɔ le ɛnlankɛ ralɛ ananze ne mɔɔ bɛyɛle la mendole senle nu menyelale ye, membubule nu na mendinle ye motomoto memanle ɔyɛle kɛ munlutu, na mendole menguale azule ekyi ne mɔɔ senze vi boka ne anu ba la anu.

Kɔlɔ 2:17

Ɛhye mɔ amuala le ninyɛne mɔɔ bara la ɛlawolɛ; bɛ kpalɛ kpalɛ ne a le Kelaese.

Kɛlata mɔɔ bɛhɛlɛle bɛhɔmanle Hibuluma la 10:1

Dwuuma mɛla ne ɛnle ninyɛne fɔɔnwo ne mɔɔ wɔ ɛkɛ ne la nɔhalɛ sɔhovolɛ. Ɔle ninyɛne kpalɛ mɔɔ bara la sɔhovolɛ ekyi bie. Azu ko ne ala yɛɛ ɛvolɛ biala bɛbɔ a. Ɛhye ati bɛnrɛhola bɛnrɛlua mɛla ne azo bɛnrɛmaa menli mɔɔ kpondɛ Nyamenle la ɛnrɛlua dahuu azubɔlɛ ko ne ala azo ɛnrɛzɔ Nyamenle anye.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.